Տպել
Ամեն ինչ ինքնուրույն մի արեք, նույնիսկ նման արտահայտություն մի արեք: Ուժեղ եւ անկախ կինը, իհարկե, լավ է, բայց սիրված լինելը՝ ավելի լավ: Ձեր սիրելիին թույլ տվեք ձեր կողքին տղամարդ զգալ: Նրանից օգնություն խնդրեք եւ մի վախեցեք ընդունել այն: Դա միայն կբարձրացնի ձեզ նրա աչքում:
Խորհրդակցեք, ոչ թե խորհուրդ տվեք: Նրան ցույց տվեք, որ նրա կարծիքը ձեզ համար շատ կարեւոր է, եւ այն իսկապես ազդում է ձեզ վրա:
Փրկարարի դեր մի ստանձնեք, ավելի լավ է ոգեշնչող եղեք: Մշտապես մի մատնանշեք նրա սխալները, այլ խթանեք գովասանքով եւ հաջողությունների համար հպարտությամբ: Հավատացեք, նա կցանկանա ավելին անել ու ավելի լավ, եթե զգա եւ իմանա, որ դա գնահատում են:
Նրան մի սովորեցրեք: Թող ինքնուրույն զարգանա եւ ընտրի այն ուղին, որով կընթանա: Չէ՞ որ դուք ուզում եք նրա սիրելի կինը լինել, ոչ թե մայրը: Ավելի լավ է սեփական զարգացմամբ զբաղվել, իսկ նա կձգտի ավելի խելացի եւ ուժեղ լինել: Դա տղամարդկանց բնույթն է:
Նրան ընդունեք այնպիսին, ինչպիսին կա: Չէ՞ որ դուք հենց այդ մարդուն եք սիրահարվել: Մի՛ ճնշեք նրան՝ ստիպելով համապատասխանել ձեր սեփական պատկերացումներին: Առանց այն էլ նա ձեր իդեալն է:
