Տպել
«Միսս Աշխարհ Արմենիա» եւ «Միսս Տիեզերք Արմենիա» մրցույթների հաղթող Նանե Ավետիսյանը նոր գրառում է կատարել՝ բարձրաձայնելով իրեն անհանգստացնող հարցերը, կիսվելով մտորումներով։
«Ինստագրամ» սոցիալական ցանցի Stories բաժնում, ուր յուրաքանչյուր ինֆորմացիա հասանելի է միայն 24 ժամ, որից հետո նահետանում է, գեղեցկուհին գրել է․
«Մի բան ասեմ ու երեւի դեռ չքնեմ։ Բայց էս ի՞նչ վիճակի ենք հասել ազգովի․․․ Կարծես հստակ մշակված ծրագրով ամեն բան արվում է «Հայաստան՝ առանց հայերի» ծրագրի անթերի իրականացման համար․․․ ու ոչ միայն հարեւան թշնամիների կողմից․․․ Ինձ հարցնում եմ՝ լավ էս երկրում մի բան արվու՞մ է, որ մարդիկ՝ հայերը, էս երկրի քաղաքացիներն իրենց հարմարավետ ու երջանիկ զգան իրենց երկրում, թե ամբողջ կյանքում պիտի էսպես անորոշ կարգավիճակով խաղաղություն աղերսենք ու աղոթենք սահմանի ջահել տղաների ու Արցախի ժողովրդի համար․․․ Մինչեւ մի օր էլ հասնեն մեզ։ Չգիտեմ․․․ սիրտս կտոր-կտոր է էս ստորացված ու թույլ վճակից․․․ վերացման վտանգի առաջ ենք․․․ Էս տեմպերով չգիտեմ մեր վերջը ինչ է լինելու․․․»։
