Տպել
Երբ քնում են միևնույն ժամանակ
Երջանիկ զույգերը ձեռնպահ են մնում առանձին ննջարան գնալու գայթակղությունից: Նրանք պառկում են քնելու միևնույն ժամանակ, նույնիսկ եթե զուգընկերներից մեկին պետք է ավելի շուտ արթնանալ, քան մյուսին:
Երբ ընդհանուր հետաքրքրություններ են զարգացնում
Երբ սկզբնական կիրքն անցնում է, գալիս է այն գիտակցությունը, որ որպեսզի մարդիկ իրենց լավ զգան իրար հետ, պետք է ընդհանուր հետաքրքրություններ ունենան: Չարժե թերագնահատել միասին անցկացված ժամանակի կարևորությունը: Եթե դուք ընդհաանուր հետաքրքրություններ չունեք, կարելի է զարգացնել դրանք: Օրինակ` ուրբաթ օրերին միասին բոուլինգի գնալու սովորություն զարգացնել: Կամ շաբաթ օրերին` լողավազան: Ինչ ասես:
Երբ զբոսնելիս իրար ձեռք են բռնում
Որքան էլ խելացի, պրոգրեսիվ և հասուն թվանք ինքներս մեզ, շոշափողական շփման կարևորությունը ոչ ոք չեղյալ չի համարել: Եթե դուք հետ եք սովորել փողոցներով իրար ձեռք բռնած քայլելուց, շատ շուտով կարող եք իմանալ, թե ինչ բան է ամուսնալուծությունը:
Երբ «վստահելու և ներելու» ռեժիմը միշտ ակտիվ է
Տարաձայնություններ և վեճեր բոլորն են ունենում: Բայց իրոք երջանիկ զույգերը կարողնում են վայրկենապես իրար ներել վիրավորանքները և հաշտվել: Պարանոյա, քրթմնջալու և վիրավորվելու հակում. դա ձախողակների համար է, որոնք շուտով կամուսնալուծվեն:
Երբ ուշադրություն են դարձնում այն բանին, թե զուգընկերն ինչն է ճիշտանում, իսկ ինչ հարցում է սխալվում
Կարելի է նայել աշխատող յուրաքանչյուր մարդու` առօրյա կյանքում կամ ղեկի մոտ, և անմիջապես բազմաթիվ թերություններ տեսնել նրա և նրա գործողությունների մեջ: Բայց ինչի՞ համար: Հոգեբաններին ամուր հարաբերությունների միայն մեկ ոսկե կանոն է հայտնի. մեկ քննադատական դիտողությանը բաժին պետք է ընկնի 10 հաճոյախոսություն: Եվ դա արդյունք է տալիս:
knigikratko.ru
Հրապարակման պատրաստեց Պողոս Վարժապետյանը
