Տպել
Ավստրիայի հեղինակավոր պարբերականներից մեկը` Kurier-ը, հայտնել է, որ երկրի կառավարության և պաշտոնյաների կայքերի վրա իրականացված հարձակումների հետևում կանգնած է թուրք հաքերը: Այս մասին տեղեկացնում է BBC-ի թուրքական ծառայությունը:
Kurier պարբերականի տվյալներով` Ավստրիայի զինված ուժերի հետախուզական գրասենյակն ուսումնասիրություն է իրականացրել, ինչի արդյունքում հայտնի է դարձել, որ հաքերային հարձակումներն իրականացրել է Միացյալ Նահանգների Կենտուկի նահանգում բնակվող, Ասլան Ա. անունով մի թուրք:
Տեղեկությունն ամերիկյան Associated Press գործակալությանը հաստատել են Ավստրիայի հետախուզական ծառայությունները:
