Տպել
Ամուսնացած տղամարդիկ, բնականաբար, չեն կարող խուսափել այլ կանանց հետ շփումներից, լինի դա աշխատավայրում թե հասարակության մեջ, բայց յուրաքանչյուր դեպքում երբեք չպետք է մոռանա իր կնոջ նկատմամբ հարգանքի մասին: Բնականաբար, մտերիմ հարաբերություններ նա պետք է ունենա միայն իր կնոջ հետ. կինը պետք է լինի ամուսնացած տղամարդու ամենամտերիմ ընկերը: Այդ իսկ պատճառով էլ բաներ կան, որ նա ուրիշ կանանց չպետք է ասի:
Ես պետք է ինչ-որ մեկի հետ խոսեմ
Եթե խոսակցության թեման խիստ անձնական է, դա մտերմություն է ստեղծում, որն ամուսնացած տղամարդը ոչ մի ուրիշ կնոջ հետ չպետք է ունենա: Եթե պետք է խոսել ինչ-որ մեկի հետ, այդ ինչ-որ մեկը պետք է իր կինը լինի:
Ես ու կինս վաղուց սեքսով չենք զբաղվել
Ամուսնացած տղամարդն այդ թեմայով ոչ մեկի հետ չպետք է խոսի, ուր մնաց թե՝ ուրիշ կնոջ հետ: Եթե դա նրան անհանգստացնում է, այդ թեմայով նա պետք է խոսի միայն ու միայն իր կնոջ հետ:
Ես ու կինս այնքան էլ հաշտ չենք
Ինչ-որ մի պահի դուք երկուսով եք որոշել ամուսնանալ: Եվ եթե ձեր ամուսնությունը լավ ժամանակներ չի ապրում, հիշեք այն լավագույնը, որ ունեցել եք, և մտերմացեք Ձեր կնոջ, այլ ոչ թե՝ մեկ ուրիշի հետ:
Երեկ ես ու կինս շատ ուժեղ վիճել ենք
Այդ մասին ոչ ոք չպետք է իմանա:
Ես ուրախ եմ, որ դու իմ կյանքում կաս
Հաճոյախոսության այդ տեսակը հասկացնել է տալիս, որ տղամարդն այլ կնոջով է հետաքրքրված, և, որ նա իրեն պետք է: Ամուսնացած տղամարդու այդպիսի ընկերությունն ուրիշ կնոջ հետ միշտ հղի է վտանգներով:
Ես չափազանց լարված եմ: Կգա՞ս մի տեղ գնանք
Այլ կնոջ հետ միայն երկուսով հանգստանալը, ինչ-որ տեղ գնալն ու լարվածությունը թուլացնելն անարգանք է սեփական կնոջ հանդեպ և դավաճանության առաջին քայլը:
Մենք պարզապես ընկերներ ենք, պետք չէ անհանգստանալ
Եթե նա ստիպված է լինում արդարանալ իր արարքների համար, դա նշան է այն բանի, որ իրենք երկուսով էլ սխալ են: Խուսափեք այն ամենից, ինչի համար հետո պետք է արդարացումներ փնտրեք:
Դու ընկեր ունե՞ս
Այս ինֆորմացիան ամուսնացած տղամարդուն չպետք է հետաքրքրի:
Կարծում ես՝ ես լա՞վ ամուսին եմ
Այս հարցն ամուսնացած տղամարդը միայն իր կնոջը պետք է տա: Եթե ամուսնացած եք, խուսափեք այլ կանանց հետ մտերմիկ ընկերական հարաբերություններ ձևավորելուց ու փնտրելուց: Հարգեք այն կնոջը, ում ժամանակին երդվել եք հավատարիմ լինել:
Նյութը հրապարակման պատրաստեց Մ. Ղուկասյանը
