Ընտրվել է տարվա մոդելը
Advertisement 1000 x 90

Ընտրվել է տարվա մոդելը

Լոնդոնում Fashion Awards մրցանակներ են հանձնել բրիտանացի և օտարերկրացի լավագույն մոդելագործներին ու մոդելներին: Տարվա մոդել տիտղոսին արժանացել է Ադվա Աբոան: Այդ մասին հայտնել է The Telegraph-ը:

Նրա հիմնական մրցակցուհին 16-ամյա Քայա Հերբերն էր: «Տարվա դիզայներ» մրցանակին արժանացել է Ռաֆ Սիմոնսը, իսկ Դոնաթելա Վերսաչեն ճանաչվել է նորաձևության տիպար:

Ադվա Աբոան բրիտանացի մոդել է, ֆեմինիստուհի և ակտիվ մարտիկ՝ հանուն մարդկանց իրավունքների:

Նորաձևության ինդուստրիայում ամենահեղինակավոր մրցանակի՝ Fashion Awards 2017-ի պարգևատրման արարողությունը դեկտեմբերի 4-ին Royal Albert Hall-ում անցկացրել են «Մափեթ-շոուի» գործող անձերից մեկը՝ Միսս Փիգին, և խմբագիր ու նորաձևության փորձագետ Դերեք Բլասբերգը:

Միսս Փիգին քանիցս մասնակցել է Fashion Awards մրցանակի միջոցառումներին, բայց որպես վարող հանդես է եկել առաջին անգամ: