Տպել
Adme.ru կայքը կազմել է այն մոդելների ցանկը, ովքեր փոխեցին գեղեցկության մասին պատկերացումները:
Շանել Բրաուն-Յանգ: Կանադացի մոդելը երեք տարեկան հասակից տառապում է մաշկի պիգմենտացիայի խանգարումներով: Նրան, սակայն, հաջողվել է իր թերությունն առավելության վերածել և դառնալ մոդել:
Վիկտորյա Մոդեստա: Լատիշ երգչուհի և մոդելը 15 անարդյունավետ վիրահատության է ենթարկվել` ծննդաբերության ընթացքում ոտքի վնասման պատճառով: Որոշ ժամանակ անց նրա ոտքի մի մասը հեռացրել են: Այժմ աղջիկն իր օրինակով ոգևորում է շատերին:
Էրիկա Իրվին: Կալիֆոռնիայի 35-ամյա բնակիչը համարվում է աշխարհի ամենաբարձրահասակ մոդելներից մեկը: Նա 2 մետր 5 սմ հասակ ունի:
Մաշա Տելնա: Ուկրաինուհի մոդելը զարմանալի մեծ աչքեր ունի:
Կարմեն Դելլ Օրեֆայս: Այս մոդելն արդեն 84 տարեկան է, բայց նա այժմ էլ հրաշալի տեսք ունի: Նա նկարահանվում է գովազդային հոլովակներում, հայտնվում է պոդիումում, ամսագրերի շապիկներին:
Ջեյմի Բրյուեր: Նա աշխարհում առաջին մոդելն է, ով տառապում է Դաունի սինդրոմով: Նա նաև դերասանուհի է, հայտնի է «Սարսափների ամերիկյան պատմություն» սերիալից:
Դենիզ Բիդո: 28-ամյա մոդելը համարվում է XXL ամենապահանջված մոդելներից մեկը: Նա հպարտանում է, որ օրինակ է դարձել 55 կգ-ից ավելի կշռող կանանց համար:
Քեյսի Լելգեր: Այս ֆրանսուհի մոդելն առաջինն էր, ում հետ պայմանագիր են կնքել՝ որպես տղամարդու: Նա տեսքով բավական նման է տղամարդու և գովազդում է տղամարդու հագուստ:
Մոֆի: Նրան նոր Քեյթ Մոս են անվանում: Նա ճանաչում է ձեռք բերել շիլ աչքերի շնորհիվ:
Դիանդրա Ֆորեստ: Դիանան աֆրոամերիկացի կապուտաչյա ալբինոս է: Մուգ մաշկ ունեցողների շրջանում ալբինոսությունը հազվադեպ երևույթ է:
Նյութը հրապարակման պատրաստեց «3 Միլիոնը»
