Ջիգարխանյանի ամուսնալուծությունը հարվածել է հաղորդավար Անդրեյ Մալախովին. ԶԼՄ. armeniasputnik.am
Advertisement 1000 x 90

Ջիգարխանյանի ամուսնալուծությունը հարվածել է հաղորդավար Անդրեյ Մալախովին. ԶԼՄ. armeniasputnik.am

Հեռուստահաղորդավարն ամփոփել է տարվա արդյունքներն ու անդրադարձել տարվա ամենաաղմկահարույց ամուսնալուծությանը:

Արմեն Ջիգարխանյանի և Վիտալինա Ցիմբալյուկ-Ռոմանովսկայայի ամուսնալուծությունը ստիպել է տխրել հեռուստահաղորդավար Անդրեյ Մալախովին, գրում է Dni.ru-ն:

Starhit ամսագրում Մալախովը կրկին պատմել է աստղային զույգի հարաբերությունների պատմությունը:

«Նրանք առաջին անգամ հանդիպեցին, երբ նա` ժողովրդական արտիստը, հանրության սիրելի դերասանը, հյուրախաղերով Կիև էր մեկնել, իսկ նա` նուրբ գեղեցկուհին, 16 տարեկան շիկահերը, մոտեցել էր ինքնագիր ստանալու: Իսկ 15 տարի համատեղ ապրելուց հետո նրանք պաշտոնապես գրանցեցին իրենց հարաբերությունները»,- պատմել էր Մալախովը:

Հեռուստահաղորդավարի խոսքով, նրանց ընտանեկան հարաբերությունները վատացել են ամուսնությունն օրինականացնելուց մեկ տարի անց: Հնչել են փոխադարձ մեղադրանքները, որին հաջորդել են անշարժ գույքի հետ կապված խնդիրներն ու դատավարությունը:

Մալախովը նշել է, որ կատարվածը նաև իրեն է հարվածել:

«Արդյունքը եղավ աղմկահարույց և սկանդալային ամուսնալուծությունը, որի համար տխուր են բոլորը, հատկապես մենք` ռոմանտիկներս»,- եզրափակել է նա:

Հոկտեմբերի 31-ին Վիտալինայի նկատմամբ քրեական գործ է հարուցվել, իսկ դեկտեմբերի 5-ին նրան մեղադրանք է առաջադրվել ՌԴ ՔՕ 137-րդ հոդվածի համաձայն (մասնավոր կյանքի անձեռնմխելիության խախտում):

82 տարեկան Արմեն Ջիգարխանյանի և նրա 38 տարեկան կնոջ` Վիտալինա Ցիմբալյուկ-Ռոմանովսկայայի մասին սկսեցին խոսել հոկտեմբերի առաջին տասնօրյակում, երբ դերասանը հայտնվեց հիվանդանոցում և հայտարարեց, որ պատրաստ չէ ներել իրեն ցավ պատճառած կնոջը։

Ավելի վաղ Ցիմբալյուկ-Ռոմանովսկայան, որ Ջիգարխանյանի ղեկավարած թատրոնում տնօրենի պաշտոն էր զբաղեցնում, սեփական ցանկությամբ հեռացել էր թատրոնից և հայտարարել, որ ցանկանում է ամուսնալուծվել։

Դրանից հետո Ջիգարխանյանը պաշտոնական նամակ էր ուղղել Մոսկվայի մշակույթի դեպարտամենտ` իրեն և թատրոնի արտիստներին «կոլեկտիվի նորմալ աշխատանքին խանգարող խաբեբաներից» պաշտպանելու խնդրանքով։

Հոկտեմբերի վերջին Արմեն Ջիգարխանյանի ղեկավարած թատրոնում հետաքննչական գործողություններ անցկացվեցին դերասանի կորցրած անձնագրի վերաբերյալ քրեական գործով։ Տեղեկացվեց նաև, որ խուզարկություն է անցկացվել Ցիմբալյուկ-Ռոմանովսկայայի բնակարանում, առգրավվել են արտասահմանյան անձնագիրը, բժշկական փաստաթղթերն ու Ջիգարխանյանի կտակը։

armeniasputnik.am