Տպել
Կյանքի 82-րդ տարում մահացել է Երգիծանքի մոսկովյան թատրոնի դերասան Միխայիլ Դերժավինը, ով հանդիսանում է երգչուհի, դերասանուհի Ռոկսանա Բաբայանի ամուսինը։ Այս մասին ասվում է թատրոնի կայքում։
Նշվում է, որ Ռուսաստանի ժողովրդական արտիստը մահացել է տևական ծանր հիվանդությունից հետո։
Հոգեհանգստի ժամի և հուղարկավորման վայրի մասին կտրվի լրացուցիչ տեղեկություն։
Միխայիլ Դերժավինը ծնվել է 1936 թվականի հունիսի 15-ին, Մոսկվայում։ Դեբյուտը կինոյում արել է 1956 թվականին՝ նկարահանվելով Յուրի Եգորովի «Նրանք առաջինն էին» ֆիլմում։
