Տպել
Հայաստանում հայտնված տղամարդը պնդում է, որ եղել է հեռավոր ապագայում, զրուցել տեղի բնակիչների հետ, որոնք պատմել են, թե ինչու է Լոս Անջելեսն ամբողջությամբ անցել ջրի տակ։
Միջազգային ԶԼՄ-ները երեքշաբթի տեղեկություն են տարածել ժամանակի մեջ ճանապարհորդող Էդվարդի/Էդուարդի մասին, որը պնդում է, թե եղել է 5000 թվականում։ Տղամարդը, որի դեմքը քողարկված է, իսկ ձայնը` փոխված, տեսանյութում պնդում է, որ Հայաստանում է գտնվում։ Ճանապարհորդողի մասին գրել են The Sun, The Mirror, The Daily Mailպարբերականները։
Տղամարդը պնդում է, որ գրին քարտ է շահել և մեկնել ԱՄՆ, աշխատանք փնտրել և հայտնվել կառավարական գաղտնի ծրագրում, մտերմացել է գիտնական Ջեյմսի հետ և հայտնվել 5000 թվականում. նրան այնտեղ են ուղարկել լուսանկարելու։
«Ժամանակի մեջ ճանապարհորդողը» ցուցադրել է նաև մի լուսանկար, որում իբր պատկերված է ջրհեղեղի զոհ դարձած Լոս Անջելեսը։ Տեղի բնակիչներն ասել են, որ ջրհեղեղը գլոբալ տաքացման հետևանք է։
Նշենք, որ տեսանյութը սկզբում հայտնվել է արտասովոր երևույթների նվիրված ApexTV-ի Youtube-յան ալիքում։ Այնուհետև այն տարածել են բազմաթիվ վեբ-ռեսուրսներ և հարթակներ, որտեղ մարդիկ պատմում են, թե ինչպես են ճանապարհորդել ժամանակի մեջ, ինչպես են նրանց առևանգել չբացահայտված թռչող օբյեկտները, որ նրանք էքստրասենսներ են և այլն։
