Տպել
The Daily Mail բրիտանական հայտնի ամսագրի համարներից մեկում հրապարակվել էին խորհուրդներ այն մասին, թե ինչպես կանայք իրենց դրսևորեն տղամարդկանց ներկայությամբ, որպեսզի դուր գան նրանց: Հետաքրքիրն այն է, որ հրապարակման տարեթվից, մոտավորապես, 100 տարի է անցել, սակայն խորհուրդները արդիական են մինչև այսօր:
Եվ այսպես ձեզ ենք ներկայացնում խորհուրդներից մի քանիսը.
Մի՛ պատրաստվեք տղամարդու ներկայությամբ և միշտ պատրաստ եղեք նշանակված ժամին:
Մի՛ փորձեք սենտիմենտալ թվալ և խղճահարություն մի՛ հարուցեք. տղամարդիկ տանել չեն կարողանում արցունքներ և հատկապես այն, որ դրանք ի ցույց են դրվում հասարակական վայրերում:
Մի՛ փորձեք գրավել այլ տղամարդկանց ուշադրությունը, անգամ եթե մի փոքր չարաշահել եք ալկոհոլը, քանի որ առաջին հանդիպումը կարող է վերջինը դառնալ:
Երբեք փռված դիրքով մի նստեք տղամարդու ներկայությամբ ու ցույց մի տվեք, որ ձանձրանում եք: Նստեք այնպես, ասես ամեն վայրկյան պատրաստ եք վեր կենալ և կարողացեք լսել տղամարդուն՝ առանց նրան ընդհատելու:
Ավտոմեքենայի հայելին նախատեսված է ընթացքին հետևելու և ոչ թե ձեր շպարը կարգի բերելու համար:
