Տպել
ԱՄՆ-ում ծննդկանն ինքն է արգանդից հանել երեխային կեսարյան հատումից հետո: Ինչպես հայտնել է Fox News նորությունների պորտալը, կինը լուսանկարիչ-ընկերուհուն խնդրել է ամբողջ ընթացքը նկարահանել տեսախցիկով:
Քենտուկիի նահանգից Էմիլի Դայլը երկար տարիներ մանկաբարձուհի է աշխատել: Մի քանի տարի առաջ նրա առաջնեկը մահացել է կեսարյան հատման ժամանակ: Ուստի, հենց որ կինն իմացել է նոր հղիության մասին, հաստատ որոշել է, որ երկրորդ ծնունդն իրենից ինքն է ընդունելու:
Գործընկերները համաձայնել են օգնել նրան ծննդաբերության ժամանակ, իսկ լուսանկարիչ Սառա Հիլլը պատկերել է տեղի ունեցածը: Բժիշկները Դայլին կտրվածք են արել տեղական անզգայացմամբ, սակայն երեխային նա հանել է ինքնուրույն: «Դա անպատմելի զգացում էր և ամենաերջանիկ պահերից մեկն իմ կյանքում»,- լրագրողներին ասել է մանկաբարձուհին: Նա աղջիկ է ունեցել:
Հիլլը նշել է, որ հիվանդասենյակում առանձնահատուկ «սիրո մթնլորտ» էր տիրում, որովհետև բոլոր գործընկերները շնորհավորում էին ծննդկանին և անկեղծ ուրախ էին նրա համար: Կինը նկարները զետեղել է Facebook-ի իր էջում և հազարից ավելի լայք է հավաքել:
