Մտքի և խոսքի մոգական ազդեցության մասին

Երբևէ մտածե՞լ եք այն մասին, որ մտքերն ու բառերն ազդում են մեր կյանքի վրա: Իրականում դրանք ոչ միայն պարզապես ազդում են, այլև ձևավորում են մեր իրականությունը: Եվ Ձեր կյանքի ընթացքն էլ կարող է կախված լինել նրանից, ինչ Դուք ասում եք:

Եթե Դուք տեսել եք ջրի մասին «Ջրի մեծ գաղտնիքը» ֆիլմը, ապա հավանաբար հիշում եք, որ ջուրն ի վիճակի է ընդունել, պահել և փոխանցել նույնիսկ այնպիսի զգայուն ինֆորմացիան, ինչպիսին մարդկային միտքն է, զգացմունքը. էլ չենք խոսում բառերի մասին: Դրանց ներգործությամբ փոխվում է ջրի ողջ կառուցվածքը, նրա մոլեկուլները, իսկ քանի որ մենք ինքներս ջրից ենք բաղկացած, հետևաբար՝ ինքներս էլ կարող ենք ազդել մեր առողջության և մարմնի վրա մտքերով ու խոսքով:

Եկեք դիտարկենք մեր կյանքի ամենատարածված արտահայտությունները, և, թե որպես արդյունք` ինչ կարող ենք մենք ստանալ:

Երբ ասում եք՝ «ինձ պետք չէ», ի՞նչ եք կարծում, շա՞տ բան կստանաք: Իհա՛րկե ոչ: Անմիջապես փորձեք վերհիշել. եղե՞լ են արդյոք Ձեր կյանքում իրավիճակներ, երբ ինչ-որ բան չի հերիքել, չի հասել: Բոլորին հասել է, իսկ Ձեզ` ոչ: Ահա այս իրավիճակը տիեզերքի պատասխանն է Ձեր արտաբերած «ինձ պետք չէ» արտահայտությանը:

Հիշեք, թե որքան հաճախ եք ասում՝ «ես ընդհանրապես ոչինչ չեմ տեսնում կամ լսում, զգում, և այլն»: Ի՞նչ եք կարծում, ի՞նչ կբերեն այս բառերը Ձեր կյանք. իհարկե, աչքերի, ականջների, քթի հիվանդություններ:

Մտածելով և բարձրաձայնելով, որ Դուք գեր եք, ստանում եք ավելորդ կիլոգրամներ, խոսելով նիհարության մասին` հիվանդություններ` կապված քաշի կորստի հետ: Փոխեք «ես նիհարում եմ» արտահայտությունը «ես ավելի գրավիչ եմ դառնում» արտահայտությամբ:

Ասելով՝ «ես փող չունեմ»` երբեք ֆինանսական բարեկեցություն չեք ունենա: Այս դեպքում շատ է օգնում «ինձ մոտ գումար շատ հեշտ ու հաճախ է գալիս» նախադասությունը:

Եվ հենց այն ժամանակ, երբ Ձեր բացասական մտքերով չեք խոչընդոտի հայտարարվածի իրականացման գործընթացին, անմիջապես կզգաք, թե որքան հեշտ են Ձեր առաջ բացվում դրամապանակը լցնելու հնարավորությունները:

Երբ երեխային ասում եք՝ «դու հիմար» ես, նա սկսում է վատ սովորել, քանի որ Դուք ինքներդ եք նրան դարձնում այդքան անառողջ մտածող:

Երբ մտերիմ մարդուն ասում եք` չեմ ուզում քեզ տեսնել, զզվեցրիր ինձ, հեռու մնա ինձնից կամ չքվիր իմ կյանքից նախադասությունները, ասես այդ մարդու հետ հարաբերությունները խզելու ազդակ եք ուղարկում: Չզարմանաք, եթե Ձեր ամուսինը կամ երեխան հետագայում հեռանան տանից կամ, Աստված մի արասցե, ավելի դաժան բաժանում պատահի: Սարսափելի է, իհարկե, բայց հենց այսպես է գործում Տիեզերքի օրենքը: Ինչ խնդրում եք՝ այն էլ ստանում եք:

Նույն կերպ էլ Ձեր երեխային նկատողություն անելիս կամ ինչ-որ կերպ պաշտպանելիս՝ սարսափազդու նախադասություններ մի գործածեք, իսկ հետո էլ մի ասեք` չէ՞ որ ես քեզ զգուշացրել էի:

Տղամարդկանց մասին խոսելիս, երբ ասում եք, թե բոլոր տղամարդիկ էլ նույն սանրի կտավն են, չկա նրանց մեջ ոչ մի նորմալ մարդ, ապա հենց այդպես էլ լինում է. Ձեր կյանք մտնող յուրաքանչյուր տղամարդ միայն հիասթափություններ է բերում:

Երբ մարդուն ասում ես` ես քեզ տանել տանել չեմ կարողանում, Դուք ստանում եք աղեստամոքսային տրակտի հետ կապված խնդիրներ, «Դու նստած ես իմ վզին, այսինքն` ես եմ քեզ պահում»-ի դեպքում`օստեոխոնդրոզ, իսկ անընդհատ «Սրտիցս արյուն է կաթում», «Սիրտս կանգնեց» ասելիս էլ՝ սրտի հիվանդությունները երաշխավորված են:

Որպեսզի ոչ մի վատ բան չպատահի, շատ կարևոր է չմտածել վատի մասին և, առավել ևս, չարտաբերել նեգատիվ ինֆորմացիա: Իզուր չէ, որ այդպիսի ասացվածք էլ կա` ասված է՝ արված է, իսկ ժողովուրդը շատ իմաստուն է, հնուց եկած խոսքերը` նույնպես:

Բայց կա նաև հակառակ պրակտիկան. լավ բաներ մտածելիս և ասելիս՝ լավն է կատարվում: Այդ դեպքում Դուք դրական լիցքեր եք ստանում Ձեր կյանքում բարի մարդկանց և հաճելի իրադարձությունների առկայության տեսքով:

Եվս մի կարևոր տեղեկատվություն. մարդուն նախատելով, նրա վրա անեծքներ ու լուտանքներ թափելով, նրան վիրավորական արտահայտություններով անվանարկելով` ոչ միայն նրա բիոդաշտի վրա եք ազդում, այլև Ձեր: Դուք այդպիսով քայքայում եք Ձեր զգայուն էներգիան և այդ անեծքը տեղափոխում Ձեր ու Ձեր ընտանիքի վրա: Այդ իսկ պատճառով՝ խոսելուց, արտահայտվելուց առաջ մտածեք. բայց արժե՞ որ… Ավելի ճիշտ կլինի, եթե Ձեր էմոցիաներն արտահայտեք, ասենք, անտառում բարձր գոռալով. այդպիսով և՛ Ձեր լարվածությունը կհանեք, և՛ հաճելի զգացողություններ կունենաք:

Բացասական մտքերը դրականով փոխարինելով` Դուք Ձեր շուրջը ստեղծում եք սիրո և պոզիտիվի մթնոլորտ, և այդ դեպքում նեգատիվը Ձեզ անպայմանորեն կշրջանցի: Հաճախ ասեք` սիրում եմ, շնորհակալ եմ. դրանով Դուք փոխում եք աշխարհը և դրականորեն ազդում նրա վրա: Որքան հնարավոր է՝ շատ ու հաճախ ժպիտ, սեր, ներողամտություն ու շնորհակալության զգացում ցույց տվեք:

Հավատացեք, միայն փոխելով Ձեր մտածողությունն ու խոսքը` Դուք հիմնովին կարող եք փոխել Ձեր կյանքը և դառնալ բացարձակ երջանիկ և ուրախ:

Նյութը հրապարակման պատրաստեց Սոֆա Պետրոսյանը