Տպել
Միացյալ Նահանգների Twitter ինտերնետ-ընկերությունը հայտնել է, որ մարտի 27-ից կսկսի գաղտնարժույթների գովազդի արգելք սահամանել՝ Google-ի և Facebook-ի համանման որոշումից անմիջապես հետո: Այդ Reuters գործակալությանը հայտնել է ընկերության ներկայացուցիչը:
Արգելքը կվերաբերի ICO-ին (թոկենների սկզբնական հրապարակային տեղաբաշխմանը), ինչպես նաև վիրտուալ արժույթների վաճառքին: Նոր քաղաքականությունը նաև կվերաբերի գաղտնարժութային սակարանների և գաղտնադրամապանակների ծառայությունների գովազդին, բայց միայն եթե դրանք հանրային ընկերություններ չեն որոշակի խոշոր ֆոնդային հարթակներում գրանցմամբ կամ կրիպտոսակարաններ, որոնք կարգավորվում են ճապոնական պետության կողմից:
Գաղտնարժույթների գովազդի արգելման քաղաքականությունը լիովին կծավալվի ամսվա ընթացքում, ճշտել է Twitter-ը: Ավելի վաղ նույնպիսի որոշում են ընդունել Միացյալ Նահանգների այլ խոշոր ինտերնետ-ընկերություններ, հաղորդել է ՌԻԱ Նովոստին:
