Տպել
Օրերս Արտյոմ Հակոբյանը հյուրընկալվել էր «CV» հաղորդմանը, որի ժամանակ հաղորդավարուհին անդրադարձավ նաև երկու տարի առաջ նրա գրառմանը, որի միջոցով Արտյոմը հայտնել էր Հայաստանից հեռանալու մասին, քանի որ հիասթափված է իր երկրից: Հաղորդման ժամանակ Արտյոմը նշեց, թե այդ քայլին գնացել է իր կյանքի ծանր ժամանակաշրջանում ու դա պարզապես հիասթափության և ընկճվածության ստիպված ճիչ էր: Սակայն նրա այս պատասխանը նոր քննարկումների պատճառ է դարձել: Ֆեյսբուքյան օգտատերերից մեկը իր գրառման մեջ նշում է՝ «Ես միմիայն զարմանում եմ, ոնց է այս տղեն այդ թեմայի մասին սենց հանգիստ խոսում, ոնց չի հասկանում, որ իր ընկճվածության, իր հոգեվիճակի պատճառով թշնամի մի ամբողջ հայտնի կայք ապրեց մեկ օր` կարողանալով լցնել հակահայկական նյութերի պահանջը ու այսօր ինքը գալիս է, ասում է, թե բա դա մի փոքր ընկճվածություն էր ու հետո եսիմ ինչ հիմնավորումներ է տալիս, թե բա դա ես հո չեմ ասել Հայաստան երկրից եմ զզվել: Այ Արտյոմ ջան, դա դու պիտի Հեքքին. Ազ-ին ասես է, ոչ թե հիմա նստես մի քանի ամիս անց ու ասես, որ ես դա հո չեմ ասել Հայրենիքից եմ զզվում»: Հեղինակը հուշում է Արտյոմին պարզապես լռել ու խոստովանել, որ դա իր կյանքում թույլ տված ամեմավատ սխալն է:
Թեմայի շուրջ պարզաբանում ստանալու նպատակով՝ Life.panorama.am-ը կապ հաստատեց Արտյոմ Հակոբյանի հետ, ով նշեց.
«Ոչ մի բան չունեմ ասելու: Հանգիստ թողեք ինձ, ոչ մի մեկնաբանություն տալ չեմ ուզում»:
Իսկ հարցին, թե Արտյոմը ծանո՞թ է իր մասին տարածված նյութին, պատասխանեց.
«Ես չեմ հետաքրքրվում նման բաներով, հիմա ես հանգստանում եմ և ընդհանրապես ոչ մի կերպ չեմ ուզում հետաքրքրվել ամեն անկապ ու ապուշ երևույթներով: Խնդրում եմ, այլևս ինձ այդ հարցով մի անհանգստացրեք: Ով, ինչ ուզում է, թող անի, ինձ չի հետաքրքրում»:
