Տպել
Էվելինա Բարսեղյանի «Բրավիստ» ֆիլմը կարող է պայքարել «Օսկար»-ի ամենամյա մրցանակաբաշխությանը «Լավագույն խաղարկային կարճամետրաժ ֆիլմ» անվանակարգում, հայտնում է sobaka.ru-ն։
Երիտասարդ ռեժիսոր Էվելինա Բարսեղյանի 18-րոպեանոց «Բրավիստ» ֆիլմը «Օսկար»-ին ներկայացվել է Manhattan Short փառատոնի կողմից։
«Այժմ կարող եմ ասել, որ սա «Բրավիստա» ֆիլմի ողջ թիմի հաջողությունն է։ Շնորհիվ Manhattan Short-ի ֆիլմը դիտել են ԱՄՆ-ում, Շվեյցարիայում, Մեծ Բրիտանիայում, Ավստրալիայում, Ֆրանսիայում և այլ երկրներում, իսկ այժմ էլ մենք հնարավորություն ունենք առաջադրվել «Օսկար»-ում»,- ասում է ֆիլմի սցենարիտս, բեմադրող ռեժիսոր և պրոդյուսեր Էվելինա Բարսեղյանը։
«Սա իմ երրորդ կարճամետրաժ աշխատանքն է, պատմություն այն մասին, թե ինչպես են մարդիկ ձևացնում իրենց զգացմունքները։ Ֆիլմն ավարտել ենք ապրիլին և այն արդեն իսկ ներկայացվել է մի քանի կինոփառատոններում»,- հավելել է նա։
Հիշեցնենք, որ 2014 թ. ապրիլի 24-ին Կաննի 67-րդ կինոփառատոնին ներկայացվեց նրա «Մի մարդ ձեզ սիրում է» կարճամետրաժ ֆիլմը:
