Տպել
Ժաննա Լևինան` հայտնի երգիծաբան Գարիկ Մարտիրոսյանի կինը, ամուսնու ճաղատ տեսքով լուսանկարն է հրապարակել։ Մարտիրոսյանի հետ համատեղ լուսանկարը նա տեղադրել է Instagram–ում։
«Սիրում եմ, երբ Գարիկն ամռանը ճաղատանում է, իսկ Գարիկը չի սիրում։ Լավ է, որ գիշերը Գարիկը խորն է քնում», – մեկնաբանել է լուսանկարը Լևինան։
Բաժանորդները հավանել են գրառումն ու մի քանի ժամվա մեջ այն մոտ 30 հազար «հավանություն» է ստացել։ Շատերին հետաքրքրել է` արդյո՞ք Գարիկն ինքն է ճաղատացել, թե՞ Ժանան արել է դա գիշերը, երբ Գարիկը քնած էր։
Սակայն երկրպագուների մեծ մասը համամիտ են, որ զույգը հիանալի տեսք ունի։
«Գեղեցիկ եք», «Հիանալի զույգ եք», – այսպիսի մեկնաբանություններ են գրում Լևինայի բաժանորդները։
Ոմանց թվացել է, որ դա ֆոտոշոփ է։
Իսկ ոմանք կարծուն են, որ այդպիսի «շքեղ սանրվածքը» Գարիկին շատ էլ սազում է։
Գարիկ Մարտիրոսյանը ռուսական շոու բիզնեսի ներկայացուցիչ է, հումորիստ, հեռուստահաղորդավար, Comedy Club–ի գեղարվեստական ղեկավար և պրոդյուսեր։ 1993–2002 թթ. նա «Նոր հայեր» ՈւՀԱ–ի թիմի անդամ էր։
Գարիկն իր ապագա կնոջ հետ ծանոթացել է 1997 թվականին Սոչիում ՈՒՀԱ-ի փառատոնի ժամանակ: Նրանք սկսել են հանդիպել 1998 թվականին: Զույգը երկու երեխա ունի` դուստր և որդի:
