Տպել
Ամբողջահատիկ վարսակը խորհուրդ է տրվում բոլոր նրանց, ովքեր ցանկանում են առողջ սնվել: Fithacker.ru-ն ներկայացրել է վարսակի 5 առավելություն:
Սննդարար է: Ամբողջահատիկ վարսակը բջջանյութ, վիտամիններ ու հանքանյութեր է պարունակում: Այն ավելի շատ սպիտակուց և առողջ ճարպեր է պարունակում, քան մյուս հատիկավորները: Ամբողջահատիկ վարսակը հարուստ է ցինկով, երկաթով, ֆոլաթթվով, պղնձով, մագնիումով:
Օգնում է նիհարել և վերահսկել քաշը: Ամբողջահատիկ վարսակը կարող է դառնալ ձեր սննդակարգի անբաժան մասը՝ օգնելով ազատվել ավելորդ կիլոգրամներից և պահպանել քաշը: Այն օգտակար է փորկապության դեպքում:
Առողջ և ամբողջական նախաճաշ: Առողջ նախաճաշը վճռորոշ նշանակություն ունի: Ամբողջահատիկ վարսակը հրաշալի ընտրություն է նախաճաշի համար: Այն օրգանիզմը կապահովի սննդարար նյութերով ու էներգիայով:
Վարսակը նաև բջջանյութ է պարունակում, որն անհրաժեշտ է նյութափոխանակության համակարգի առողջության համար: Բջջանյութի անհրաժեշտ քանակը հնարավորություն է տալիս.
- կանխարգելել և բուժել փորկապությունը
- կարգավորել աղիների աշխատանքը
- օգնում է պայքարել որովայնի փքվածության դեմ
- օգնում է կարգավորել խոլեստերինի մակարդակը
- նպաստում է առողջ բակտերիաների քանակի աճին:
Վարսակն օգտակար է նաև սրտի առողջությանը: Վարսակն օգնում է կարգավորել արյան մեջ վատ խոլեստերինի մակարդակը:
Նյութը հրապարակման պատրաստեց 168.am-ը
