Տպել
Կարիճները կարող են առաջնորդել մթության մեջ, ճգնաժամային իրավիճակների հանդեպ յուրօրինակ մոտեցման միջոցով փոխել աշխարհը: Կենդանակերպի այս նշանի ներկայացուցիչներն առեղծվածային են, նրանց հետ հարաբերությունները կարող են բարդ ու հյուծող լինել: Բայց եթե ամեն բան ճիշտ անեք, դժվար թե կարողանաք գտնել ավելի լավ ընկերոջ կամ զուգընկերոջ:
Լավագույնս հասկանում են ցավը: Կենդանակերպի այս նշանի ներկայացուցիչները կարողանում են հասկանալ ցավը, լավագույնս լուծել խնդիրները:
Գաղտնապահ են: Կենդանակերպի այս նշանի ներկայացուցիչները կարողանում են պահել թե իրենց, թե մյուսների գաղտնիքները: Նրանք լավ հոգեբաններ են, կարողանում են հասկանալ՝ ինչ է կատարվում մարդու հոգու խորքում: Կարիճները կարող են նույնիսկ հասկանալ այն, ինչ մարդիկ փորձում են թաքցնել իրենցից: Նրանք միշտ պատրաստ են ընդունել ձեր բնավորության մութ կողմերը, քանի որ հասկանում են, որ դա մարդու բնավորության անբաժան մասն է:
Հասնում են այնտեղ, ուր մյուսներն ի վիճակի չեն: Կարիճները հաճախ են հաջողության հասնում, քանի որ անկոտրում կամք ունեն, համբերատար են, համառ, կարողանում են հասկանալ իրերի բուն էությունը:
Անկախ իրավիճակից՝ կենդանակերպի այս նշանի ներկայացուցիչները կարող են գտնել ոտքի կանգնելու միջոցը: Նրանք համարվում են կենդանակերպի ամենաուժեղ նշաններից մեկը:
Կարող են գրավիչ լինել: Կարիճները կարողանում են ազդել մարդկանց վրա, նրանք խարիզմատիկ են, ինչի արդյունքում քչերն են կարողանում դիմակայել նրանց:
Միայն անկեղծ հաճոյախոսություններ են անում: Կարիճները հակված չեն քծնանքի, նախընտրում են ճշմարտությունն ասել՝ նայելով ձեր աչքերին: Եթե կենդանակերպի այս նշանի ներկայացուցիչները հաճոյախոսություն են անում ձեզ, նշանակում է՝ իսկապես արժանացել եք դրան:
Կատարում են խոստումները: Կարիճները տանել չեն կարողանում, երբ մարդիկ չեն կատարում խոստումները, և նման կերպ չեն վարվում: Կարող եք վստահ լինել, որ նրանք զուր խոսքեր չեն ասում:
Բնազդաբար պաշտպանում են մտերիմներին: Կարիճների բնազդը նրանց ստիպում է ակտիվորեն պաշտպանել մտերիմներին: Այդ դեպքերում նրանք կայծակնային արագությամբ են արձագանքում:
Նյութը fabiosa.ru-ից հրապարակման պատրաստեց 168.am-ը
