Տպել
Շատ լռել:
Երբեք ոչինչ ուղիղ չհարցնել:
Սեփական մտքերն ուրիշի գրքերում չբացահայտել, չգրել լուսանցքներում:
Իմաստուն մարդը երբեք ոչ ոքի չի պատմի իր իրական մտադրությունների մասին: Պարծենալը նախանձ է հարուցում, իսկ քանի որ այն հզոր էներգետիկ ազդակ է, հանգեցնում է պարծեցողի կորուստներին: Մարդիկ իրենց էությամբ նախանձ են: Նախանձն ամենաուժեղ էմոցիաներից է: Հարուցում է Տիեզերքի ուժեղ արձագանքը:
Խորամանկությունը հանգամանքներից օգտվելու կարողությունն է, իմաստությունը` ինչպես, որտեղ և ինչով օգտվելու իմացությունը:
Իմաստուն մարդը խոսակցության մեջ երբեք ուղիղ վիրավորանքներ չի օգտագործում:
Իմաստուն մարդիկ միմյանց քարտերը չտեղեկացվածների մոտ չեն բացում:
Իմաստուն մարդիկ աշխատում են օգտագործել իրենց հնարավորությունների առավելագույնը՝ անգամ փոքր նպատակների հասնելու համար: Այդպես նրանք ասես մարզում, պատրաստում են իրենց՝ մեծ գործեր անելու համար: Սակայն պետք է հիշել, որ սա չի վերաբերում փոքր նպատակներին հասնելու համար զանազան ծանոթությունների ու կապերի օգտագործմանը: Իմաստուն մարդիկ չնչին նպատակների համար իրենց կապերը չեն օգտագործում:
Իմաստուն մարդու ձեռքի տակ միշտ ամենաանհրաժեշտ բաները կան կարևոր գործեր կատարելու համար: Իմաստուն մարդն աշխատում է իրավիճակը կանխատեսել:
Իմաստուն մարդը միշտ հաշվի է նստում ուրիշի կարծիքի հետ, բայց երբեք չի հրաժարվում իր կարծիքից: Միայն իսկապես ճշմարտության հետ բախվելիս է նա խմբագրում իր տեսակետը տվյալ հարցի վերաբերյալ:
Իմաստուն մարդիկ միշտ փորձում են հետևել նշաններին ու հնարավորությունը բաց չեն թողնում օգտվել ստացած գիտելիքներից:
Իմաստուն մարդիկ հետևում են իրենց առողջությանը, այլ ոչ թե կործանում են այն՝ հանուն սուտ նպատակների:
Իմաստուն մարդիկ իրենց կյանքում անհաջողություններ չեն ունենում: Նրանց կուտակածը լոկ փորձն է, երբեմն` անհաջող:
Իմաստուն մարդիկ մտերիմ մարդկանց հետ ունեցած խնդիրները լուծում են միայն մտերիմ մարդկանց հետ, օտար աչքերից ու ականջներից հեռու, առանց երրորդ մարդ ներգրավելու: Իմաստուն մարդիկ ամբոխի ներկայությամբ սկանդալներ չեն սարքում:
Ցանկացած իրավիճակ ադեկվատ ընդունելու համար իմաստուն մարդիկ նախ փնտրում են առավելությունները, իսկ հետո միայն ստուգում՝ եղե՞լ են արդյոք այնտեղ թերություններ ընդհանրապես:
Նյութը հրապարակման պատրաստեց Սոֆա Պետրոսյանը
