Տպել
Խոյ: Կենդանակերպի այս նշանի ներկայացուցիչներն իմպուլսիվ են, ինչը նրանց անկանխատեսելի է դարձնում: Նրանք կարող են նույնիսկ վտանգավոր լինել, քանի որ շատ հաճախ առհասարակ չեն մտածում հետևանքների մասին:
Խոյերը սիրում են անել այն, ինչ իրենց վախեցնում է, մարտահրավեր նետում, այդ պատճառով միշտ ադրենալին, արկածներ ու տպավորություններ են որոնում: Բացի այդ՝ կենդանակերպի այս նշանի ներկայացուցիչները բավական անզուսպ են, հաճախ են զայրույթի ու կատաղության նոպաներ ունենում:
Երկվորյակներ: Տանել չեն կարողանում նախապես որևէ բան ծրագրել՝ դա համարելով ձանձրալի ու անպետք զբաղմունք: Որպես կանոն՝ ակտիվ գործունեություն են ծավալում, ինչի արդյունքում գրեթե միշտ ուշանում են կամ մոռանում հանդիպումների ու դետալների մասին: Կենդանակերպի այս նշանի ներկայացուցիչները սիրում են ինքնաբերականությունը: Այդ պատճառով երբեք չեք կարող իմանալ՝ ինչ սպասել նրանցից:
Քանի որ Երկվորյակները հաճախ չունեն սեփական ճանապարհի տեսլականը, կախված են իրենց բնազդներից: Արդյունքում՝ առողջ դատողությունն ու տրամաբանությունը հաճախ երկրորդ պլան են մղվում:
Աղեղնավոր: Կենդանակերպի այս նշանի ներկայացուցիչները պաշտում են փոփոխությունները: Զարմանալի չէ, որ նրանք կարող են անկանխատեսելի լինել: Աղեղնավորները չեն սիրում հստակ ծրագրում, գերադասում են ցանկացած որոշում ընթացքում կայացնել:
Այն պահին, երբ դուք կարծում եք, թե ամբողջությամբ ճանաչել եք նրան ու նրա մտադրությունները, Աղեղնավորը որևէ անսպասելի բան է անում:
Ջրհոս: Ջրհոսներն ուրիշների կանոններին հետևելու անհրաժեշտություն չեն տեսնում. ընդ որում, նրանք հաճախ չեն հետևում նույնիսկ սեփական կանոններին: Կենդանակերպի այս նշանի ներկայացուցիչները մարդկանց թույլ չեն տալիս թելադրել՝ ինչ պետք է և ինչ պետք չէ անել, հազվադեպ են այլ մարդկանց կարծիքի ազդեցության տակ հայտնվում:
Ջրհոսներն ապրում են այս պահով, որպես կանոն՝ ասում են այն, ինչ մտածում են, ձգտում են չզղջալ ու չտխրել, երբ ամեն բան այնպես չի ընթանում, ինչպես սպասում էին:
Ձկներ: Զարմանալի, առեղծվածային մարդիկ են: Չեն ապրում ստանդարտ կյանքով, հակված են անել այն, ինչ մտածում են, հաճախ առաջնորդվում են տրամադրությամբ: Երբեք չեք կարող իմանալ՝ ինչ են պատրաստվում անել կամ ասել կենդանակերպի այս նշանի ներկայացուցիչները, բայց կարող եք վստահ լինել՝ Ձկները ծրագրում են անկանխատեսելին:
Ձկներն աշխարհը տեսնում են սեփական, յուրօրինակ դիտանկյունից, ինչի շնորհիվ նաև հետաքրքիր մարդիկ են:
Նյութը հրապարակման պատրաստեց 168.am-ը
