Տպել
Կյանքի 92-րդ տարում մահացել է ԽՍՀՄ ժողովրդական արտիստուհի, թատրոնի և կինոյի դերասանուհի Էլինա Բիստրիցկայան: Այդ մասին ապրիլի 26-ին ՏԱՍՍ-ին հայտնել են Փոքր թատրոնի մամուլի ծառայությունում, թատրոն, որտեղ Բիստրիցկայան աշխատում էր 1958 թվականից:
Վերջին տարիներին դերասանուհին ծանր հիվանդ էր:
«Ենթադրվում է, որ Բիստրիցկայայի հետ հրաժեշտը տեղի կունենա երկուշաբթի օրը՝ ապրիլի 29-ին, մեր թատրոնում»,- նշել են մամուլի ծառայությունում: Կինոյում դերասանուհին դեբյուտել է Լենա Ալեքսեենկոյի դերով՝ «Խաղաղ օրերին» կինոնկարում:
Սակայն «արվեստի մեջ ամենագլխավոր ճանապարհը», Բիստրիցկայայի խոստովանությամբ, սկսվեց Սերգեյ Գերասիմովի «Խաղաղ Դոն» (1957-1957 թթ.) կինոպատումում Ակսինիայի դերում նրա հաստատվելուց հետո: «Խաղաղ Դոն»-ից հետո Բիստրիցկայան նկարահանվեց մեկ այլ նշանակալի կինոժապավենում՝ «Կամավորներ»-ում, որն ամրապնդեց նրա փառքը:
