Արևապաշտպան քսուքները ներթափանցում են արյան մեջ․ նոր բացահայտում
Advertisement 1000 x 90

Արևապաշտպան քսուքները ներթափանցում են արյան մեջ․ նոր բացահայտում

Ամերիկացի գիտնականները նոր բացահայտում են արել, համաձայն որի՝ արևապաշտպան քսուքներում առկա քիմիական միացությունները բավական արագ հայտնվում են արյան մեջ։ Live Science-ի  փոխանցմամբ՝ գիտնականները դեռ չեն պարզել, թե որքանով է վտանգավոր այդ քիմիական միացությունների կուտակումն արյան մեջ, սակայն որ այն բավականին մեծ քանակով է կուտակվում, հստակ է։

Ուսումնասիրությանը մասնակցել է 24 կամավոր, ովքեր 4 օր շարունակ օրական 4 անգամ մարմնին արևապաշտպան քսուք են քսել։

Ուսումնասիրության ընթացքում մասնակիցներից պարբերաբար արյուն են վերցրել՝ այն քննելու համար։

Արդյունքում պարզվել է, որ արևապաշտպան քսուք օգտագործելիս ընդամենը մեկ օր անց դրանում առկա քիմիական միացությունները հայտնվում են արյան մեջ, և հետագա օրերին քանակը գնալով մեծանում է։

Այժմ գիտնականները պետք է պարզեն, թե որքանով է դա վտանգավոր առողջության համար։

bujinfo.am