Տպել
Ինչն է մեզ գրավում մարդկանց մեջ։ Flytothesky.ru-ն ներկայացրել է հատկությունները, որոնք գրավում են զուգընկերոջը։
Խոյ՝ կիրք։ Կենդանակերպի այս նշանի ներկայացուցիչները պատրաստ են ամբողջությամբ խորասուզվել այն ամենի մեջ, ինչ գրավում է իրենց։ Զուգընկերոջ սերը Խոյի հանդեպ կդառնա նրա կյանքի ամենամեծ արկածը, քանի որ կենդանակերպի այս նշանի ներկայացուցիչը զուգընկերոջը ոգեշնչում է ավելի շատ, խորը ու վառ սիրել։
Ցուլ՝ նվիրվածություն։ Երբ Ցուլերը գտնում են իրական սիրուն, նրան հավետ նվիրում են իրենց սերը, կայունությունը, որոնք դիմանում են ժամանակի փորձությանը։
Երկվորյակներ՝ էներգիա։ Կենդանակերպի այս նշանի ներկայացուցիչները հիացնում են բոլորին։ Նրանք մեծ սիրտ ունեն, առատաձեռն են, զուգընկերոջ հետ կիսում են ամենը, ինչ գիտեն և ինչ կարողանում են, ինչպես նաև՝ զգացմունքներն ու կիրքը։
Խեցգետին՝ հոգատարության ուժը։ Հոգ տանել սիրելիի մասին և պաշտպանել նրան․ ահա Խեցգետինների բնավորության հստակ նկարագիրը։ Նրանց հետ ժամանակ անցկացնելը հաճելի է, ռոմանտիկ, երբ ամեն բան կարգին է, հարմար ու անվտանգ, երբ դժվար ժամանակներ են։
Առյուծ՝ առատաձեռնություն։ Կենդանակերպի այս նշանի ներկայացուցիչների սերը նման է արևի լույսին, այն ուժեղ է, վստահ, անփոխարինելի։ Կարող է տպավորություն ստեղծվել, որ Առյուծները չեն կարողանում մինչև վերջ վայելել սիրելիին և ի վիճակի չեն զսպել զգացմունքները։
Կույս՝ ուշադրություն։ Լավ ճանաչում են զուգընկերոջը, նրա թույլ և ուժեղ կողմերը, և չեն դադարում սիրել նրան։ Սիրելիներին ընդունում են այնպես, ինչպես նրանք իրականում կան։ Զուգընկերն իր հերթին՝ ցանկություն չի ունենում կենդանակերպի այս նշանի ներկայացուցչին փոխել որևէ այլ մեկի հետ։
Կշեռք՝ ներդաշնակություն։ Կենդանակերպի այս նշանի ներկայացուցիչների սերն այնքան մեծ է, որ ցանկանում են զուգընկերոջ հետ կիսվել կյանքի ամեն պահով։ Կշեռքների հետ հարաբերություններ ունենալը լավ է, քանի որ հարաբերություններում դրամաներն ու կոնֆլիկտները տեղ չունեն։
Կարիճ՝ զուգընկերոջն ամբողջությամբ նվիրվելը։ Կենտրոնանում են միայն սիրելիի վրա՝ առանց շեղվելու։ Զուգընկերը կարող է չկասկածել, որ Կարիճն ամբողջությամբ իրենն է, քանի որ վերջինս նրան տալիս է լավագույնը, ինչ ունի։
Աղեղնավոր՝ լավատեսություն։ Կենդանակերպի այս նշանի ներկայացուցիչներն ուրախ են, լի էնտուզիազմով, նրանց հետ ժամանակ անցկացնելը հաճույք է։ Ուժեղ հավատ ունեն, կարողանում են տեսնել ցանկացած իրավիճակի դրական կողմերը, ինչը ոգեշնչում է սիրելիին, ուժ տալիս։
Այծեղջյուր՝ հուսալիություն։ Միշտ օգնության են հասնում զուգընկերոջը, ով երբեք կասկածելու առիթ չի ունենում, թե ինչքան պատասխանատու են Այծեղջյուրները։ Կենդանակերպի այս նշանի ներկայացուցիչները սիրելիի համար հենարան, սիրո և հոգածության աղբյուր են դառնում։
Ջրհոս՝ ազնվություն։ Ջրհոսների համար դժվար է իր զգացմունքների մասին պատմել մարդկանց, բայց պոտենցիալ զուգընկերոջը կարող են միանգամից հարաբերություններ առաջարկել, որոնք հիմնված են ազնվության, անկեղծության, միմյանց մասին հոգ տանելու անկեղծ ցանկության վրա։
Ձկներ՝ կարեկցանք։ Կենդանակերպի այս նշանի ներկայացուցիչները փափուկ մարդիկ են։ Սիրելիի նկատմամբ հոգատարությունը, ներքին ջերմությունը սահման չունեն։ Ձգտում են արձագանքել զուգընկերոջ ապրումներին և հաշվի առնել նրա հետաքրքրությունները։
Նյութը հրապարակման պատրաստեց 168.am-ը
