10 արտասովոր փաստեր Կենդանակերպի Ջրհոս նշանի մասին
Advertisement 1000 x 90

10 արտասովոր փաստեր Կենդանակերպի Ջրհոս նշանի մասին

Ջրհոսը, թերևս, Կենդանակերպի գոյություն ունեցող նշաններից ամենաանկանխատեսելին է: Ջրհոսներին վերագրում են բազում առանձնահատկություններ և հատկություններ, բայց հաճախ դրանք հակասում են մեկը մյուսին:

10 փաստեր Ջրհոսների մասին

Ջրհոսները վախենում են իրենց հասցեին արված քննադատությունից: Մեզանից ոչ մեկին դուր չի գալիս, երբ մեզ քննադատում են, սակայն չափազանց խոցելի Ջրհոսներն ընդունում են դա՝ որպես ողբերգություն, և չեն կարողանում պահել իրենց էմոցիաները:

Ջրհոսները հաճախ պահպանողական չեն լինում: Ընդունված է համարել, որ ոչ ոք այդքան շատ փոփոխություններ չի սիրում, որքան Ջրհոսը: Բայց իրականում, այս նշանի ներկայացուցիչները հաճախ երազում են թեկուզ մի փոքր ստաբիլության մասին:

Ջրհոսները վախենում են պատասխանատվությունից: Սեփական ուժերի հանդեպ անվստահությունը հետևում է Ջրհոսին ամբողջ կյանքի ընթացքում: Ջրհոսները գերազանց գաղափարական ոգեշնչողներ են: Նրանք ունեն ոչ ստանդարտ հայացքներ և կարող են առաջարկել որոշումներ, որոնք խելահեղ են թվում, սակայն գերազանց արդյունք են տալիս: Բայց, դրա հետ մեկտեղ, Ջրհոսներն ամեն ինչ անում են, որպեսզի չվերցնեն պատասխանատվություն նույնիսկ իրենց առաջարկածների համար:

Ջրհոսները ծայրահեղ կապվող են մարդկանց հետ: Արտաքնապես հեշտ բաժանվող Ջրհոսները հոգու խորքում ունեն իրենց համար առանձնահատուկ 1-2 մարդ, որոնց կորցնելը յուրաքանչյուր Ջրհոսի համար հավասար է մահվան:

Ջրհոսներն ունեն անկայուն հոգեկան կառուցվածք, և նրանց մեծամասնությունը դա շատ լավ հասկանում է և գիտակցաբար պատանի տարիքից զբաղվում է մտքի և նյարդային համակարգի ամրապնդմամբ:

Ջրհոսները հավատարիմ են իրենց երկրորդ կեսերին: Չնայած Ջրհոսները սիրում են հակառակ սեռի ուշադրությունը, այնուամենայնիվ, նրանք պրակտիկորեն ընդունակ չեն դավաճանության:

Ստեղծագործությունը Ջրհոսի կյանքի անբաժանելի մասն է: Ջրհոսի նշանի տակ ծնված մարդկանց մեծամասնությունն ընտրում է ստեղծագործական մասնագիտություն. գրողների, երաժիշտների, նկարիչների և դերասանների մեծամասնությունը հենց այս նշանի ներկայացուցիչներն են:

Ջրհոսները զգում են այլ մարդկանց տրամադրությունը: Ջրհոսների մեծամասնությունը ֆիզիկապես կարող է զգալ իրենց մտերիմ մարդկանց տրամադրությունը, ինչպես նաև ինտուիտիվ հասկանալ, որ ինչ-որ մեկի հետ դժբախտություն է պատահել:

Ջրհոսները հաճախ չեն կարողանում զանազանել երազը և իրականությունը: Պատճառն այն է, որ Ջրհոսները հաճախ տեսնում են շատ իրատեսական երազներ. դրանցում գոյություն են ունենում ոչ միայն վառ կերպարներ, այլ նաև ձայներ, բույրեր և նույնիսկ զգացողություններ:

Ջրհոսներն ընդհանրապես վրեժ չեն լուծում: Նրանք շատ արագ մոռանում են յուրաքանչյուր վատ բան: Իրենց վիրավորած մարդու հետ նրանք կդադարեցնեն շփումը, բայց երբեք չեն իջնի վրեժի մակարդակի:

Պատրաստեց Անի Գաբուզյանը