Տպել
Սմարթֆոնների էկրանի կապույտ լույսը ոչ միայն խախտում է քունը, այլև, ինչպես պարզվել է, վնասում է մաշկը. Կոսմետոլոգ Սյուզեն Մայուն պնդում է, որ այդ լույսը թափանցում է մաշկի խորը շերտեր և ապակառուցողական պրոցեսներ առաջացնում, որոնք արագացնում են նրա ծերացումը:
Դերմայում՝ մեր մաշկի շերտերից մեկում առաջանում է գիալուրոնաթթու, կոլագեն և էլաստին՝ սպիտակուցներ, որոնց կոնցենտրացիայից են կախված մաշկի հարթությունը, առաձգականությունը և ձգվածությունը:
Այս նյութերի սինթեզի վրա չափազանց բացասաբար է անդրադառնում ուլտրամանուշակագույն ճառագայթումը (և դա պատճառներից մեկն է, թե ինչու արևայրուքը արագացնում է ծերացումը):
Պարզվել է, որ սմարթֆոնների էկրաններից արձակվող կապույտ գույնը նույնպես թափանցում է դերմա և դրա ազդեցության տակ վերոնշյալ նյութերի սինթեզը խախտվում է, իսկ դերման ավելի բարակ և փխրուն է դառնում:
Փորձագետները նշում են, որ 18-34 տարեկան մարդկանց մոտ 25 տոկոսը օրական 7 ժամ օգտվում է հեռախոսից:
Նրանց խոսքով՝ նման ինտենսիվ շփման դեպքում գաջեթների հետ հարկավոր է լրացուցիչ միջոցներ ձեռնարկել վաղաժամ ծերացումից մաշկի պաշտպանության համար:
Առաջին հերթին նրանք շատ կարևոր են համարում վիտամ C-ի նորմալ մակարդակի պահպանումը, որը մաշկի համար վնասակար բաղադրիչները չեզոքացնելու հզոր հակաօքսիդանտի հատկություններ ունի:
Սյուզեն Մայուն կոչ է անում շատ հաճախ սելֆի չանել և հնարավորինս սահմանափակել սմարթֆոնի հետ անցկացվող ժամանակը:
