Տպել
Տարեցներին ոչ միայն կարելի է, այլեւ պետք է գինի խմել, պարզել են Օսակի համալսարանից ճապոնացի գիտնականները: Գինին բնականաբար, չափավոր քանակով, օգնում է պահպանել տարեցների ինտելեկտուալ գործառույթները եւ կոգնիտիվ կարողությունները:
2 տարվա ընթացքում հետազոտողները դիտարկել են Հեգո նահանգի 76-86 տարեկան 1200 բնակիների կենսակերպը՝ համադրելով նրանց գաստրոնոմիկ սովորությունները նրանց կոգնիտիվ գործառույթների ցուցանիշների հետ. մասնագետներին հիմնականում հետաքրքրել են ուշադրության եւ հիշողության գործառույթները:
Գիտնականները ուշադրություն են դարձրել 67 տարեց մարդկանց, որոնք առավել զարգացած կոգնիտիվ ընդունակություններ են ցուցադրել: Պարզվել է, որ նրանք բոլորը պարբերաբար կարմիր գինի են օգտագործել:
Արդյունքում հետազոտողները պարզել են, որ շաբաթական մոտ մեկ անգամ ալկոհոլ օգտագործող տարեց մարդկանց ուղեղը ավելի լավ է գործել, քան չխմողներինը:
Մասնագետները կարծում են, որ չափավոր քանակով գինին նպաստում է օրգանիզմից վնասակար նյութերի դուրսբերմանը, որոնք բացասական ազդեցություն ունեն ուղեղի բջիջների գործունեության վրա: Բացառված չէ, որ գինու մի փոքր քանակութկյունը կարող է արգելափակել զարգացումը, սակայն տվյալ տեսության հաստաման համար լրացուցիչ հետազոտություններ են հարկավոր:
