Տպել
Աղջիկների սեռական հասունացման տարիքը կապված է միգրենի առաջացման վտանգի հետ. որքան ավելի վաղ է սկսվում սեռական հասունացումը, այնքան ավելի բարձր է միգրենի առաջացման վտանգը, պարզել են College of Medicine-ի գիտնականները։
Նախորդ հետազոտությունները ցույց են տվել, որ միգրենը դեռահաս աղջիկների մոտ հաճախ սկսվում է սեռական հասունացման հետ միաժամանակ։ Հետաքրքիր է, որ երեխաների և դպրոցական տարիքի դեռահասների 10 տոկոսը տառապում է միգրենից, ինչպես պարզել են ամերիկացի գիտնականները։ Ընդ որում՝ աղջիկների շրջանում միգրեն ունեցող պացիենտների թիվն ավելանում է մինչև 17 տարեկանը։ Եվ եթե մինչև 17 տարեկան տղաների մոտ միգրենը նկատվում է 8 տոկոսի պարագայում, ապա աղջիկների մոտ միգրեն նկատվում է արդեն 23 տոկոսի դեպքում։
Մինչև սեռական հասունացման շրջանն սկսվելը միգրենի դեպքերի թիվը տղաների և աղջիկների շրջանում մնում է նույնը։ Բայց այն բանից հետո, երբ աղջիկների մոտ սկսվում է դաշտանը, միգրենի առաջացման հավանականությունն աճում է։ Նոր հետազոտության ընթացքում գիտնականներն ապացուցել են, որ դա նկատվում է սեռական հասունացման դեռևս վաղ շրջանում։
Հետազոտությանը մասնակցած աղջիկները (միջին տարիքը՝ 16) պատասխանել են գլխացավերի հետ կապված հարցերին, որոնցով կարելի էր ախտորոշել հավանական միգրեն՝ որոշակի աստիճանով։
Հետազոտության մասնակիցների 11 տոկոսն ունեցել է միգրենի ախտորոշում, 7 տոկոսը՝ հնարավոր է միգրեն, իսկ 82 տոկոսը միգրեն չի ունեցել։ Այնուհետև պարզվել է, որ միգրեն ունեցող աղջիկների մոտ սեռական հասունացումն սկսվել է միջինը 4 ամիս առաջ նրանց համեմատ, ովքեր միգրեն չեն ունեցել։
