Տպել
Օգտատերերը բաժանվել են երկու խմբի և առաջարկում են ջրահարսի նոր տարբերակներ:
Disney ընկերությունը ջրահարսի մասին ֆիլմի ռեժիսոր Ռոբ Մարշլի հետ ներկայացրել են Արիելի նոր դերակատարին: Ֆիլմի համար ընտրվել է երգչուհի և դերասանուհի Հոլի Բեյլին (Halle Bailey), հայտնում է Variety-ն:
Հոլի Բեյլին Chloe x Halle երաժշտական խմբի անդամ է: Խմբի պրոդյուսերը Բեյոնսեն է: Մարշալի խոսքերով՝ Հոլին համադրում է հոգին, սիրտը, երիտասարդությունը, անմեղությունը, ներքին հատկանիշները, ինչպես նաև հրաշալի ձայնը: Հենց նման որակներ են պետք ջրահարսի դերի համար:
This is it right here!!! I’m soooo overjoyed!! It’s just so delectable!! She’s just perfect!!! Our Little Mermaid x. pic.twitter.com/b8by9JMlEU
— Cynthia Erivo (@CynthiaEriVo) July 3, 2019
Սոցցանցերում օգտատերերն այս լուրը միանշանակ չընդունեցին: Մի մասը նշում էր, որ Հոլին իսկապես հրաշալի թեկնածու է: Մյուսները քննադատեցին ընկերության որոշումը՝ առաջին հերթին հաշվի առնելով, որ Հոլին սևամորթ է: Ըստ նրանց՝ ջրահարսը չի կարող լինել սևամորթ և ունենալ նման արտաքին:
Շատերը նշում են, որ դիսնեյյան հայտնի մուլտֆիլմում Արիելն աչքի է ընկում մաշկի սպիտակ գույնով, և դա նրա առանձնահատկություններից է, այնպես որ, սևամորթը կփոխի ջրահարսի մասին պատկերացումները:
Օգտատերերն առաջարկում են ջրահարսի այլ թեկնածուներ, այդ թվում՝ անգամ Ռիհաննային, ով նույնպես սևամորթ է:
Սիրարփի Աղաբաբյան
