Սա ամենաօգտակար աղանդերն է, որ կարելի է միայն պատկերացնել

Շատ երեխաներ չեն սիրում կաթնաշոռ: Բայց այս մթերքի օգտագործումը պարզապես անհրաժեշտ է, չէ՞ որ այն պարունակում է սպիտակուց և օրգանիզմի համար անփոխարինելի ամինաթթուներ:

Առաջարկվող աղանդերն այնպիսին է, որ ոչ միայն երեխաները, այլ նաև մեծահասակները չեն նկատի, որ այդ նրբագույն քաղցրեղենը պատրաստված է կաթնաշոռից:

Կաթնաշոռային արևիկներ

Բաղադրիչները.

Կաթնաշոռ – 500 գ

Շաքարավազ – 4 ճ/գ

Ձու – 2 հատ

Սպիտակաձավար – 6 ճ/գ

Ալյուր – 2 ճ/գ

Կոնսերվացրած դեղձ – 250 գ

Եգիպտացորենի ձողիկներ

Վանիլին

Պատրաստման եղանակը.

Ձուն խառնել շաքարավազի հետ:

Թասի մեջ լցնել կաթնաշոռը, սպիտակաձավարը, ալյուրը, ավելացնել ձվային զանգվածը:

Դեղձը կտրատել փոքր մասերի, թողնել ափսեի մեջ, որպեսզի ավելորդ հյութը դուրս գա:

Ստացված զանգվածից ձևավորել գնդիկներ: Յուրաքանչյուր գնդիկի կենտրոնում տեղավորել 1 կտոր դեղձ:

Եփել գնդիկները ջրի մեջ 5 րոպե: Պատրաստի գնդիկները կհայտնվեն ջրի մակերեսին:

Թողնել, որ գնդիկները չորանան, իսկ այդ ընթացքում եգիպտացորենի ձողիկները դարձնել փոշի: Գնդիկները թավալել եգիպտացորենի ձողիկներից ստացված փոշու մեջ:

Պատրաստեց Անի Գաբուզյանը