Ամենաօգտակար նախաճաշը, որը հնարավոր է պատկերացնել

Ամենաօգտակար ուտեստներից մեկը, որը կարող է մի քանի օրում բարելավել նյութափոխանակությունը և օրգանիզմից հեռացնել ավելորդ հեղուկը, կտավատի սերմի շիլան է։

Շիլա պատրաստելու համար հարկավոր է կտավատի սերմերից հիմք պատրաստել կամ վերցնել պատրաստի կտավատի ալյուր։ Առաջին դեպքում պետք է սերմերը մանրացնել բլենդերի մեջ, իսկ հետո լցնել տաք ջուր (60 աստիճան)։ Այնուհետև շիլային ավելացնել մթերքները, որոնք ներկայացված են ստորև:

Բաղադրիչներ

1. Բանան – 1 հատ

2. Ազնվամորի

3. Մեղր

4. Ընկույզ – 4-5 հատ

Պատրաստման եղանակը

1. Բանանի կեսը տրորել պատառաքաղով, իսկ մյուս կեսը կտրատել շերտերով:

2. Ազնվամորին բլեդներով վերածել խյուսի:

3. Ընկույզը կտրատել:

4. Շիլայի մեջ ավելացնել բանանի խյուսը, խառնել։ Զարդարել բանանի շերտերով, հատապտղային պյուրեով և ընկույզով: Մեղր ցողել:

Պատրաստեց Անի Գաբուզյանը

168․am