Ամուսինների վեճերն անվանել են երջանիկ ամուսնության բանալի

ԱՄՆ-ի Թենեսի համալսարանի սոցիոլոգների ուսումնասիրությունը ցույց է տվել, որ վեճերը մեծացնում են ամուր և երկարատև ամուսնական հարաբերությունների պահպանման շանսերը: Այս մասին գրում է Daily Mail- ը: Հաղորդվում է, որ գիտնականները երկու տարիքային խմբից ավելի քան 120 զույգի մոտ հարցում են կատարել՝ 30-ից բարձր և 70-ից բարձր անձանց: Ըստ այդմ, առաջինները միասին երջանիկ են մոտ ինը տարի, երկրորդները՝ վաղուց նշոել են հարսանիքի 40-ամյակը:

Նրանք բոլորն ասել են, որ իրենք նույնպես վիճում են, բայց փորձում են երկրորդ պլանում թողնել ամենադժվար լուծվող խնդիրները: Ըստ հարցման մասնակիցների մեծամասնության՝ առաջին հերթին նրանք քննարկում են համեմատաբար թեթև կոնֆլիկտային թեմաները: Հիմնականում նրանց մոտ այդպիսի «հեշտ» էին այն հարցերը, որոնք վերաբերում են պարտականությունների բաշխմանը և ազատ ժամանակ անցկացնելուն: Ավելի բարդերն են՝ սեքսը և զուգընկերոջ առողջական խնդիրները:

Ըստ հետազոտողների, այս մոտեցումը ռազմավարական նշանակություն ունի, քանի որ ավելի թեթև վեճերում լուծում գտնելն ավելի հեշտ է, իսկ դա բարելավում է իրավիճակը, մեծացնում է ամուսինների վստահությունը միմյանց նկատմամբ և հնարավորություն է տալիս անցնել ավելի սուր խնդիրների քննարկմանը: Այսինքն՝ նախ պետք է կուտակել փոքր հաջողություններ, և միայն դրանից հետո ձգտել մեծերին:

Սոցիոլոգների եզրակացությունը դյուրին է. կոնֆլիկտերն անխուսափելի են նույնիսկ ամենաերջանիկ զույգերի մոտ: Նրանց և դժբախտ ամուսինների միջև եղած ամբողջ տարբերությունն այն է, թե ինչպես են նրանք ելք փնտրում: