Տպել
Ցուլ: Զուսպ են, հետևողական: Կարելի է վստահել կենդանակերպի այս նշանի ներկայացուցիչներին, քանի որ նրանք միշտ կատարում են խոստումները: Ցուլերն առավելագույնս հուսալի են: Լավ հասկանում են, որ պետք է շատ աշխատել, որպեսզի հարաբերությունները հաջողակ լինեն:
Պատրաստ են հարաբերությունների զարգացման համար ներդնել առավելագույնը: Ձգտում են առավելագույնին, փորձում խնդիրները լուծել նույն պահին՝ առանց հետաձգելու:
Խեցգետին: Խեցգետինները հոգ են տանում, որ մտերիմներն իրենց լավ զգան: Կենդանակերպի այս նշանի ներկայացուցիչները կարեկցող են, զգուշավոր: Մտածում են, նախքան խոսելը՝ սիրելիներին չնեղացնելու համար:
Նույնիսկ ամենավատ օրերին ձգտում են զուսպ լինել և չնեղացնել նրանց, ովքեր թանկ են իրենց համար: Խեցգետինները կարողանում են արտահայտել իրենց զգացմունքները: Նրանք արագ են սիրահարվում և շատ են վախենում լքված լինել: Այդ վախը հանգեցնում է նրան, որ Խեցգետինները երկարատև ու ամուր հարաբերություններ են ընտրում:
Կույս: Խելացի են, ինտելեկտուալ, հնարամիտ, կարողանում են հաղթահարել ցանկացած դժվարություն ու խոչընդոտ: Խոսքը հատկապես խոչընդոտների մասին է, որոնք կարող են վնասել հարաբերություններին:
Հեշտությամբ են վեր հանում և վերլուծում խնդիրները, ինչը հնարավորություն է տալիս ամրացնել հարաբերությունները: Մտածում են ցանկացած որոշման մասին, նախքան որևէ քայլ անելը: Բացի այդ՝ կենդանակերպի այս նշանի ներկայացուցիչները վստահ են, որ հարաբերությունների վրա պետք է աշխատեն երկուսը:
Կշեռք: Չեք կարող հանդիպել մարդու, ով ավելի համբերատար է, քան Կշեռքները: Հասուն մարդիկ են, հասկանում են, որ հաջողության հասնելու համար հարկավոր է աշխատել: Գիտեն հարաբերությունները պահպանելու «բաղադրատոմսը», չեն վախենում պատասխանատվություն ստանձնել:
Որքան էլ ամեն բան քաոտիկ թվա, Կշեռքները պահպանում են հանգստությունը: Զուսպ են, համառորեն որոնում են բոլոր հարցերի պատասխաններն ու խնդիրների լուծումները: Սիրող են, հոգատար, անկեղծորեն ցանկանում են սեր ու հոգատարություն նվիրել սիրելիին:
Նյութը flytothesky.ru-ից հրապարակման պատրաստեց 168.am-ը
