Տպել
HBO հեռուստաալիքը այս տարվա մայիսին ցուցադրեց հայտնի «Գահերի խաղը» սերիալի վերջին սերիան: «Գահերի խաղը» ցուցադրվում էր 2011թ.-ի ապրիլից և 8 տարի սպասման մեջ էր պահում երկրպագուներին: Վերջին սերիայի ցուցադրությունից հետո մի շարք կինոքննադատներ կարծիք էին հայտնել առ այն, որ ֆիլմի հանգուցալուծումը տրամաբանակ չէ:
Սերիալի ռեժիսորներից մեկը՝ Նիլ Մարշալը խոստովանում է
Մարշալը, ով նկարել է հայտնի «Պահակները պատի մոտ» («Дозорные на стене») սերիան խոստովանել է, որ վերջին սեզոնը մի քիչ անտրամաբանական էր:
«Համաձայն եմ այն կարծիքի հետ, որ մի քիչ փշրված էր ստացվել, թվում է, թե ամեն ինչ շտապողաբար է արվել: Թեև հերոսներն արդյունքում հայտնվեցին այնտեղ, որտեղ որ պիտի հայտնվեին»,- ասել է Նիլ Մարշալլը:
Գրող Ջորջ Մարտինը, ում գրքի հիման վրա նկարահանվել է սերիալը, նախկինում նշել էր, որ կարծում է, թե այն շատ անսպասելի ավարտ է ունենալու և պատրաստ է ևս 5 սեզոն տեսնել:
Հիշեցնենք նաև, որ Ջոն Սնոուի դերակատար Քիտ Հարինգթոնը հրաժարվել էր դիտել հեռուստասերիալի վերջին սերիան:
