Տպել
Խմելու ջուրը թույլ է տալիս ոչ միայն պահպանել օրգանիզմում հեղուկի օպտիմալ մակարդակը, այլ նաև կարող է ուժգնացնել երեխայի մոտ բազմակողմանիության ունակությունը՝ պարզել են Իլինոյսի համալսարանի գիտնականները:
Xinhua-ի հաղորդմամբ՝ գիտնականները համեմատել են 75 երեխաների մոտ հետազոտության սկզբում օրգանիզմի հիդրատացիան (խոնավությունը), ապա երեխաները 4 օր շարունակ օրական 500 մլ ջուր են խմել, որից հետո ևս 4 օր՝ օրական 2,5 լ:
Պարզվել է, որ հիդրատացիայի նախնական ավելի բարձր մակարդակ ունեցող երեխաներն ավելի լավ են լուծել խնդիրները: Բացի այդ, նրանց մոտ, ովքեր մեծ քանակությամբ ջուր են խմել, բարձր է եղել աշխատունակությունն ու արագ են արձագանքել թեստերին:
Ինչպես և ակնկալվում էր, մի քանի օրվա ընթացքում մեծ քանակությամբ ջուր օգտագործելուց հետո երեխաների օրգանիզմի հիդրատացիան լավացել է:
Մասնագետները ծնողներին խորհուրդ են տալիս ամեն օր իրենց երեխաներին առանց խառնուրդների մաքուր ջուր տալ, ինչը կարող է լավացնել նրանց կոգնիտիվ ֆունկցիաները:
