Տպել
Որոշ մթերքներ նպաստում են օրգանիզմից կալցիումի դուրսբերմանը կամ խոչընդոտում են դրա նորմալ յուրացմանը: Նուտրիցիոլոգ Աննա Իվաշկևիչը պնդում է, որ այդ մթերքների թվում են սուրճը, քաղցրավենիքը, գազավորված ըմպելիքները, արմավենու յուղը և նույնիսկ վարսակը:
Օրգանիզմում կալցիումի պաշարները պահպանելու համար, մասնագետի խոսքով, անհրաժեշտ է վերահսկել սուրճի քանակն ու խմել առնվազն 4 բաժակ 30 մլ չափով: Դրանից ավել խմելու դեպքում կվատանա ոսկորների և ատամների վիճակը:
Գազավորված ըմպելիքները ևս կոֆեին են պարունակում:
Կալցիումը յուրացումը դժվարացնում է նաև շաքարավազը, որն առկա է քաղցրավենքի և նույն գազավորված ըմպելիքների մեջ: Մասնագետի խոսքով՝ շաքարավազի մեծ քանակության պատճառով տուժում է նաև աղիքային միկրոֆլորան:
Վարսակն իր հերթին կարող է դժվարացնել կալցիումի յուրացումը դրա մեջ պարունակվող ֆիտինաթթվի պատճառով:
Արմավենու յուղը, Իվաշկևիչի խոսքով, ընդհանուր առմամբ նվազեցնում է շատ օգտակար նյութերի, այդ թվում վիտամին D-ի յուրացման մակարդակը, որն օգնում է յուրացնել կալցիումը:
Մասնագետը հիշեցնում է, որ կալցիումը մասնակցում է նյութափոխանակության և արյան մակարդման գործընթացում, կարգավորում է մկանների կծկումը, հորմոնի սեկրեցիան: Դրա պակասը հանգեցնում է ոչ միայն ոսկորների և ատամների հետ կապված խնդիրների, այլ նաև սրտամկանի աշխատանքի խախտումների, ցնցումների և գերճնշման:
Դրա համար մասնագետը խորհուրդ է տալիս օրաբաժնում ներառել կաթնաթթվային ըմպելիք, կաթնաշոռ, կեֆիր, լոբազգիներ, կանաչեղեն, նարինջ, խուրմա, բանան, և, իհարկե, պանիր:
