Տպել
Մենք բոլորս ունակ ենք ավելիի: Գիտակցում ենք դա, թե ոչ, բայց մեզնից յուրաքանչյուրի մեջ կան հզոր ուժեր:
Մեր մեջ շատ մարդիկ են ապրում, ովքեր օժտված են բուժելու շնորհով: Հնարավոր է, դուք էլ եք նրանցից մեկը: Այդպիսի անձնավորությունների մեծ մասն իրենց կյանքն ապրում են` այդպես էլ չիմանալով այդ մասին:
Եվ այսպես, որ 18 նշաններն են հուշում, որ դուք օժտված եք ամոքիչ ուժով:
- Դուք լի եք կարեկցանքով:
Դուք ձեր շրջապատի ամենակարեկցող մարդկանցից եք: Ուրիշ մարդիկ չեն հասկանում, թե դուք ինչու եք այդպիսի մարդ հանդիսանում, բայց ձեր մեջ իրականում այդ որակը կա, և դուք դրա հետ ոչինչ չեք կարող անել:
- Դուք զարգացած կանխազգացում ունեք:
Ձեր կանխազգացումն այնքան է ձեզ օգնում կյանքում, որ դա անհավանական է թվում ձեզ շրջապատող մարդկանց համար: Դուք շատ ավելի ուժեղ եք, քան սովոր եք մտածել ձեր մասին: Դուք պարզապես ամեն ինչ գիտեք:
- Դուք հիանալի ունկնդիր եք:
Դուք իսկապես ունակ եք լսել այն, ինչ ձեզ մարդիկ ասում են: Դուք անտարբեր չեք նստում, ու ձեր մտքերը չեն թափառում այն ժամանակ, երբ ուրիշները ձեզ ինչ-որ բան են պատմում: Դուք ձեր միջով եք անցկացնում նրանց յուրաքանչյուր բառը:
- Մարդիկ հաճախ են ձեզ դիմում` խորհուրդ հարցնելու համար:
Ձեզ մոտ հաճախ են մարդիկ գալիս խորհուրդ ստանալու հույսով: Նույնիսկ նրանք, ում դուք բոլորովին չեք ճանաչում: Ձեր մեջ մի այնպիսի բան կա, որ գրավում է մարդկանց:
- Դուք այս աշխարհը սև ու սպիտակի չեք բաժանում:
Դուք աշխարհը տեսնում եք այնպիսին, ինչպիսին որ նա կա: Իրերին նայում եք ավելի խորը, քան ձեր շրջապատի մեծ մասը: Այն դեպքում, երբ մարդկանց մեծ մասը համարում է, որ այս աշխարհում ամեն ինչ այս կամ այն կերպ է կառուցված, դուք հասկանում եք, որ այս աշխարհը բոլորովին էլ միանշանակ չէ:
- Դուք կարողանում եք արագ մարել կոնֆլիկտները:
Մինչ մյուսները զբաղված են միմյանց դեմ մարտնչելով, դուք այդ կոնֆլիկտների մեջ խաղաղարարի դեր եք կատարում: Ձեզ հաջողվում է շատ արագ հասկանալ հակամարտության պատճառը:
Դուք գիտեք, որ կարելի է լուծել ցանկացած անհասկացվածություն երկու մարդկանց կամ խմբի միջև:
- Ձեր կյանքում շատ զուգադիպություններ են տեղի ունենում:
Դուք միշտ նկատում եք կրկնվող թվերը ու հաճախ եք հանդիպում մարդկանց, հենց որ մտածում եք նրանց մասին: Սրանով տիեզերքն ասում է, որ դուք ճիշտ ճանապարհին եք: Դուք հավանաբար լավ եք գլուխ հանում ամոքիչի ձեր դերից` անգամ չնկատելով դա:
- Դուք հաճախ եք ստիպված լինում պայքարել հոգեբանական խնդիրների դեմ:
Ձեր ունակությունները ձեզ ավելի ընկալունակ են դարձնում հոգեբանական բնույթի այնպիսի խաթարումների դեմ, ինչպիսին դեպրեսիան կամ տագնապայնությունն են: Ողջ հարցն այն է, որ դուք, ինչպես ոչ ոք, ենթակա եք ձեզ շրջապատող երևույթների ազդեցությանը: Երբեմն դուք ընկնում եք հոգեբանական փոսի մեջ, որից դուրս գալն այնքան էլ հեշտ չէ:
- Ձեզ դուր է գալիս օգնել ուրիշներին:
Դուք այն մարդն եք, ով միշտ կլինի այն մարդկանց կողքին, ովքեր օգնության կկանչեն:
Դուք մի մարդ եք, ով երբեք թիկունք չի դարձնի դժբախտության մեջ հայտնված մարդուն: Այնուամենայնիվ, դուք բոլորովին էլ այն մարդկանցից չեք, ով թույլ է տալիս, որ նստեն իր գլխին:
- Դուք հավատում եք բնական միջոցների ուժին:
Դուք դեղերի փոխարեն՝ աշխատում եք օգտագործել բնական, ժողովրդական միջոցներ: Իհարկե, դուք ձեզ հաշիվ տալիս եք, որ առանց ժամանակակից բժշկական պրեպարատների` երբեմն պարզապես անհնար է, բայց դրա հետ միասին՝ դուք հասկանում եք, որ դա բոլորովին էլ այն չէ, ինչից մենք անընդհատ պետք է օգտվենք: Կարելի է ասել, որ ժողովրդական միջոցները ձեր տարերքն են:
- Դուք բաց եք շրջապատող աշխարհի համար:
Դուք միշտ բաց եք ամենայն անհայտի համար: Շատ քիչ իրադարձություններ կարող են ձեր կողքով անցնել, և դուք միշտ աշխատում եք ինչ-որ նոր բան սովորել:
- Դուք լավ եք զգում ձեր ու ուրիշ մարդկանց էներգետիկան:
Դուք ի վիճակի եք գիտակցել սեփական էներգիան, դրա համար էլ չեք կասկածում, որ այն նույնքան պոզիտիվ է, որքան և պետք է լինի:
Դուք կարող եք զգալ այն պահերը, երբ այլ մարդ լցվում է բացասական էներգետիկայով: Եվ դուք կարող եք օգնել նրան: Դուք դրական տրամադրվածություն եք ստեղծում:
- Դուք ընդհանուր լեզու եք գտնում կենդանիների հետ: Նրանք հանգստություն են բերում, երբ դուք դրա կարիքն ունեք: Կենդանիները ձեր կյանքում մեծ դեր են խաղում, քան այլ մարդկանց կյանքում:
Նրանք պարզապես ձեզ են տալիս իրենց ջերմությունը, իսկ դուք նրանց տալիս եք ձերը, և չկա ձեր մեջ տեղի ունեցողը բացատրելու այլ եղանակ:
- Դուք ստիպված եք եղել անցնել շատ դժվարությունների միջով:
Մինչև վերջին պահը դուք ապրել եք բավականին անհոգ կյանքվ: Բայց վերջերս դուք ստիպված եղաք անցնել կյանքի բավականին բարդ ժամանակահատվածի միջով: Այնուամենայնիվ, այս փորձությունը ձեզ ուժեղ է դարձրել:
- Դուք հասկանում եք, որ բոլոր մարդիկ խորապես կապված են միմյանց հետ:
Դուք այն մարդն եք, ով բոլորից լավ է հասկանում, որ մենք մի ամբողջություն ենք կազմում, որ ամեն ինչ ու ամեն բան այս աշխարհում փախկապակցված է: Մենք բոլորս էլ միևնույն կարևորությունն ունենք, և մենք բոլորս էլ հավասար ենք:
- Դուք ունակ եք հեշտությամբ ճանաչել ուրիշ մարդկանց:
Դուք ձեր շրջապատի մարդկանց կարդում եք, ինչպես գրքերը: Եթե ձեր շրջապատից որևէ մեկը վատ մտադրություններ ունի, դուք միանգամից դա զգում եք: Նույն թեթևությամբ էլ դուք բացահայտում եք ստախոս մարդուն:
- Դուք էմպատ եք:
Էմպատներն ի վիճակի են զգալ այլ մարդկանց էմոցիաները: Միևնույն ժամանակ դուք զգում եք ձեր կողքին գտնվող մարդու տագնապներն ու մտատանջությունները: Այս ունակությունը հիանալի նվեր է ձեզ համար:
- Մեծ ընկերախմբերում դուք էմոցիոնալ հոգնածություն եք զգում:
Հայտնվելով մարդկանց մեծ խմբի մեջ` դուք շուտով սկսում եք ձեզ ճնշված զգալ: Դա բավականին տարօրինակ զգացողություն է: Մասնակիորեն դրանում մեղավոր են ձեր էմպատիկ ունակությունները:
Պատրաստեց ՍՈՖԱ ՊԵՏՐՈՍՅԱՆԸ
