Տպել
Նորածին երեխաների մոտ զկրտոցը չպետք է խուճապ առաջացնի ծնողների մոտ: Երեխան կարող է զկրտալ մինչև 8 րոպե, և դա նորմալ է: Այդպիսով երեխան սովորում է վերահսկել շնչառությունը՝ պնդում են Լոնդոնի համալսարանական քոլեջի աշխատակիցները:
The Daily Mail-ի հաղորդմամբ՝ մասնագետներն ուսումնասիրել են 30-42 շաբաթական 217 երեխաների տվյալներ: Նրանից 10-ը զրկտացել է արթուն ժամանակ, 3-ը՝ քնի մեջ:
Գիտնականները էլեկտրոդներ են տեղադրել երեխաների գլխին ուղեղի ալիքները ֆիքսելու համար: Զկրտալու ժամանակ նրանք ֆիքսել են ուղեղի եզակի ակտիվություն. երկու ալիքները կապված են եղել կրծքավանդակից ելնող զգացողությունների հետ, երրորդ ալիքը՝ զկրտոցի արձագանքի հետ:
Ամենայն հավանականությամբ, զրկտոցն օգնում է ճիշտ շնչել, այդ թվում օգտագործելով վերահսկող շնչառություն:
Ի դեպ, մոր արգանդում երեխաները սկսում են զկրտալ հղիության արդեն 9-րդ շաբաթում:
