Տպել
Գարեջուրը ամենատարածված ալկոհոլային խմիչքն է, այն անգամ 3-րդ հորիզոնականն է զբաղեցնում աշխարհում՝ ջրից և թեյից հետո։ Հայտնի է գարեջրի ավելի քան 1000 տեսակ, որոնք տարբերվում են գույնով, համով, ալկոհոլի պարունակությամբ, պատրաստման եղանակներով և այլն։
Օգտակար հատկությունները
Դեռ հին ժամանակներից այս խմիչքը հայտնի է իր օգտակար հատկություններով։ Քանի որ այս ստեղծվում է հիմնակնում հացահատիկներից և խմորման եղանակով, պարունակում է շատ վիտամիններ՝ В1, В2, В6, Н, С, К, նիկոտինաթթու, կիտրոնաթթու, ֆոլաթթու, պանտոտենաթթու, կալցիում, մագնեզիում, ֆոսֆոր և այլն։
Այն լավ ազդեցություն է ունենում նյութափոխանակության վրա, նվազեցնում է չարորակ գոյացությունների, սիրտ-անոթային հիվանդությունների, ինչպես նաև Ալցհեյմերի հիվանդության զարգացման հավանականությունը, որոշ տեսակներ նաև քայքայում են երիկամների քարերը։
Շոգ եղանակին այն նաև հագեցնում է ծարավը։ Տևական ժամանակ անտիբիոտիկներ ընդունելուց հետո գարեջուրն օգնում է մաքրել ստամոքսը և վերականգնել միկրոֆլորան։
Գարեջուրն ունի նաև ցավազրկող և հանգստացնող ազդեցություն, ժողովրդական բժշկության մեջ ընդունված է կոկորդի և բրոնխների ցավի դեպքում օգտագործել տաքացված գարեջուր (200 գ.)՝ խառնած 1 ճաշի գդալ մեղրի հետ։
Գարեջուր ըմպել խորհուրդ է տրվում քնելուց առաջ ոչ մեծ կումերով, որպեսզի հեղուկը հավասարապես հոսի կոկորդով՝ տաքացնելով այն։
Հարուստ լինելով В վիտամինով՝ գարեջուրը հրաշալի ազդեցություն է ունենում մաշկի վրա։ Գարեջրով դիմակների օգտագործումը օգնում է նվազեցնոլ կնճիռները, մաշկը դարձնում է ձիգ և հարթ։
Գարեջրով դիմակները նաև նողացնում են ծակոտիները, մաքրու են յուղոտ փայլը, ուժեղացնում են արյան շրջանառությունը։
Գարեջուրը կարելի է օգտագործել նաև որպես մազերի կոնդիցիոներ․ այն մազերը դարձնում է փափուկ, փայլուն, պայքարում է թեփի դեմ։
Վնասակար հատկություններն ու հակացուցումները
Այս խմիչքի չարաշահումը կարող է հանգեցնել կախվածության, ինչպես նաև պարբերաբար մեծ քանակությամբ գարեջրի օգտագործումը կարող է ավելորդ ծանրաբեռնել երակները, ինչի արդյունքում սիրտը սկսում է ավելի արագ աշխատել։
Հետագայում դա կարող է հանգեցնել սրտի մկանների ձգմանը, նրա ճկունության և փորոքների արյունը լիարժեք մղելու անկարողության: Գարեջուրը նպաստում է կանացի հորմոնների արտադրմանը, ինչը կարող է հանգեցնել տղամարդու մարմնի որոակի փոփոխությունների՝ կրծքերի կախվածություն, ազդրերի մեծացում։
Մեծաքանակ օգտագործման դեպքում մարդը կորցնում է ունակությունը ինքնուրույն լիցքաթափվելու և հանգստանալու։ Չի կարելի օկտագօրծել հղիներին, կրծքով կերակրող մայրերին և մինչև 18 տարեկան անձանց։
