Տպել
Եթե փողոցում մրսել եք, մարմնի ջերմաստիճանը խորհուրդ է տրվում բարձրացնել աստիճանաբար. սառած ձեռքերը տաք ջրով լվանալը և տաք վաննա ընդունելը շատ վատ գաղափար են, հավաստիացնում են բժիշկները։
Ինչպես տեղեկացնում է «Վերսիա»-ն, սառած մարմինը, կենսականորեն կարևոր օրգանների պահպանման համար, արյան հոսք է ուղարկում վերջույթներից դեպի կենտրոն՝ նեղացնելով վերջույթների անոթները։ Ջերմաստիճանի կտրուկ տատանումը (օրինակ, եթե տաք վաննա եք մտնում) կարող է վնասել անոթները։ Իսկ ահա սառը ջուրը թույլ կտա աստիճանաբար ընդլայնել անոթները՝ վերականգնելով արյան նորմալ հոսքը։
Մասնագետների խոսքով՝ բացի վերջույթների անոթները վնասելուց, ջերմաստիճանի կտրուկ փոփոխությունը վտանգավոր է նաև սրտի համար, չէ՞ որ արագ սկսում է օրգան մտնել սառը արյունը վերջույթներից։ Այս տեսանկյունից առավել վտանգավոր է տաք վաննան. արյունը սիրտ է գնում բոլոր վերջույթներից։
Վիճակագրության համաձայն՝ հաճախ սրտի կանգը տեղի է ունենում հենց ձմռանը։ Ուստի, մասնագետները կոչ են անում ուշադիր հետևել մարմնի ջերմաստիճանին և չափից ավելի շատ չսառչել, իսկ սառելու դեպքում չմտնել տաք վաննա։
