Տպել
Տարվա առանձին օրերին Երևանի օդում արտանետումների չափերը հասնում են մտահոգիչ չափերի։ Մայրաքաղաքի առանձին հատվածներում գրանցվում են այսպես ասած պիկեր՝ սահմանային թույլատրելի կոնցենտրացիային (ՍԹԿ) մոտ, կամ ՍԹԿ-ից բարձր:
Բնապահպանության նախարարության «Շրջակա միջավայրի վրա ներգործության մոնիտորինգի կենտրոն» ՊՈԱԿ-ի մոնիտորինգի արդյունքները ցույց են տալիս, որ արտանետվող գազերի՝ ՍԹԿ-ն գերազանցող աղտոտումներ են գրանցվում ոչ միայն Կենտրոն վարչական շրջանում և ավելի հարավ ընկած հատվածներում, ինչպես ընդունված է կարծել, այլև՝ հյուսիսային մասում, որի վերաբերյալ հաճախ ասում են՝ «օդն այնտեղ մաքուր է»։
«Շրջակա միջավայրի վրա ներգործության մոնիտորինգի կենտրոն» ՊՈԱԿ-ը Երևանի 7 դիտակայանում շուրջօրյա ակտիվ նմուշառման եղանակով իրականացնում է օդային ավազանի դիտարկումներ: Մեկ տարվա ընթացքում վերցվում է մոտ 9-10 հազար փորձանմուշ:
Ամբողջությամբ՝ hetq.am
