Տպել
Ո՞ր սովորություններն են վնաս հասցնում մեր առողջությանը.
Քնատությունը
Որոշ գիտնականներ պնդում են, որ քնատությունը նույնքան վտանգավոր է, որքան ծխելը: Հետազոտությունները ցույց են տվել, որ մարդիկ, որոնք օրական 7 ժամից քիչ են քնում, 30 տոկոսով ավելի շատ են հակված քաղցկեղով հիվանդանալու ռիսկի, քան նրանք, որոնք քնում են առնվազն 8 ժամ:
Կիսաֆաբրիկատները
Սննդի մեջ կիսաֆաբրիկատների օգտագործումը ևս մեկ վնասակար սովորություն է: Դրանց մեջ մեծ քանակությամբ աղ, համի ուժեղացուցիչներ և կոնսերվանտներ կան, և այդ նյութերը կարող են վնասել առողջությունը: Աղը, օրինակ, վտանգավոր է հիպերտոնիա ունեցող մարդկանց համար:
Վտանգավոր են նաև նրբերշիկը, երշիկը, խոզապուխտը և այլն. դրանք ներառված են պոտենցիալ քաղցկեղածին հատկություններով մթերքների ցուցակում:
Քիչ շարժունակ կենսակերպը
Քիչ շարժունակ կենսակերպը ևս մեկ վտանգավոր սովորություն է, որը կապված է մի շարք հիվանդությունների զարգացման ռիսկի հետ: Նույնիսկ եթե ձեր աշխատանքը նստակյաց է, ցանկալի է ժամանակ առ ժամանակ վեր կենալ և մարզվել, իսկ ազատ ժամանակ քայլել և սպորտով զբաղվել:
Տաք ուտելիքը
Չափից դուրս տաք ուտելիքը և տաք խմիչքները ևս որոշակի ռիսկեր են պարունակում: Համարվում է, որ շատ տաք ուտելիքը կապված է բերանի խոռոչի, կոկորդի,կերակրափողի և այլ օրգանների քաղցկեղի զարգացման բարձր ռիսկի հետ:
Ծխելը
Իհարկե, բազմիցս լսել ենք ծխելու վնասակարության մասին: Սակայն այդ թեման շրջանցելն անհնար է: Ծխելը կապված է սրտանոթային մի շարք հիվանդությունների, ինչպես նաև թոքերի և միզապարկի քաղցկեղի զարգացման ռիսկի հետ:
