Տպել
Արևային եղանակի դեպքում կորոնավիրուսի տարածումը կարող է դանդաղել: Այս մասին հայտարարել է Ռուսաստանի վիրուսային հիվանդությունների բուժման և կանխարգելման գիտահետազոտական կենտրոնի տնօրեն Գեորգի Վիկուլովը m24.ru-ին տված հարցազրույցում:
Նրա խոսքով՝ նոր կորոնավիրուսը պահպանվում է նաև ցուրտ եղանակի դեպքում: Իսկ բարձր ջերմաստիճանը կարող է ազդել իրավիճակի վրա:
Հիշեցնենք, որ աշխարհում գրանցվել է կորոնավիրուսով վարակման 861 113 և մահվան 42 385 դեպք, ապաքինվել է 178 560 պացիենտ: Նման տվյալներ է ներկայացնում worldometers.info/coronavirus/-ը:
