Տպել
Կորոնավիրուսով և գրիպով միաժամանակյա վարակումը կարող է վտանգավոր լինել, և կորոնավիրուսի թեստը կարող է կեղծ բացասական արդյունք տալ, գրում է «Իզվեստիա» թերթը՝ վկայակոչելով չինացի գիտնականների գիտական հրապարակումը:
Գիտնականների տվյալներով՝ կեղծ բացասական արդյունքը ստացվում է այն դեպքում, երբ մարդը վարակված է գրիպով: Գլխավոր վտանգն այն է, որ պացիենտը մնում է կորոնավիրուսի վարակակիր և ակտիվորեն վարակում է շրջապատին:
Ռուս կենսաֆիզիկոս Օլեգ Բատիշչևը պնդել է, որ երկակի վարակում հնարավոր է: Ընդ որում, գրիպն ազդում է վերին շնչուղիների, իսկ կորոնավիրուսը՝ ստորին շնչուղիների վրա:
Համարվում է, որ կորոնավիրուսով և գրիպով միաժամանակյա վարակման ռիսկը մեծ է նրանց մոտ, ովքեր քրոնիկ հիվանդություններ ունեն:
