Տպել
Հայազգի ռեժիսոր Սարիկ Անդրեասյանը նոր սերիալ է նկարահանում Դմիտրի Նագիևի մասնակցությամբ: 10 մասից բաղկացած «Նագիևը կարանտինի ժամանակ» սերիալը պատմում է դերասանի ինքամեկուսացման մասին: Նախագիծը ներկայացմում է այն պայմանները, որը ստիպել է դերասանին հայտնվել տանը ու մեկուսանալ մարդկանցից:
Նագիևի համար սկզբնական շրջանում` իր իսկ խոստովանությամբ, ծանր է եկել այդ փորձը, բայց որոշ ժամանակ անց նա հասկացել է, որ ինքնամեկուսացման մեջ էլ լավ կողմեր կարելի է գտնել ու նորը սովորել:
15 րոպե տևողությամբ յուրաքանչյուր սերիա մի նոր պատմություն է կարանտինի ու դրան առնչվող լավ ու վատ կողմերի մասին: Հատկանշական է, որ նախագծում հանդես են գալիս նաև ռուսական շոու-բիզնեսի ներկայացուցիչներ:
Սերիալի նկարահանման աշխատանքները տեղի են ունենում Մոսկվայի մերձակայքում, իսկ ամբողջ նկարահանող անձնակազմը խստագույնս պահպանում է անվտանգության կանոնները:
«Նագիևը կարանտինի ժամանակ» սերիալի պրեմիերան տեղի կունենա ապրիլի 30-ին:
Հիշեցնենք նաև, որ Սարիկ Անդրեասյանը հայտարարել է Պուշկինի «Եվգենի Օնեգին» ստեղծագործության էկրանավորման մասին: Որպես ձևաչափ նա ընտրել է «Մեծն Գեթսբի» ժապավենի մթնոլորտն ու ճաշակը:
