Տպել
Կորոնավիրուսի մասնիկների մոտ 90 տոկոսը ջրի մեջ մեկ օրում ոչնչանում է: Իսկ 72 ժամում ոչնչանում է մասնիկների 99,9 տոկոսը: Այս մասին հայտնում է «ՌԻԱ Նովոստի»-ն՝ վկայակոչելով «Ռոսպոտրեբնադզորի» մամուլի ծառայությանը: Այս տվյալները հիմնված են «Վեկտոր» կենտրոնի ջրի նմուշներում COVID-19-ի կենսունակության որոշման վերաբերյալ հետազոտության վրա:
Այս դեպքում խոսքը սենյակային ջերմաստիճանի ջրի մասին է: Եռացնելը, ինչպես ավելի վաղ է պարզվել, կորոնավիրուսը գործնականում ակնթարթորեն է ոչնչացնում, քանի որ վիրուսն անչափ անկայուն է բարձր ջերմաստիճանների հանդեպ:
Հիշեցնենք, որ «Ռոսպոտրեբնադզորի» ղեկավար Աննա Պոպովան ավելի վաղ հայտնել էր, որ նոր կորոնավիրուսը չի բազմանում ո՛չ քաղցրահամ, ո՛չ աղի ջրում:
