Տպել
Կատարյալ թեթև ուտեստը, որով կարելի է քաղցը հագեցնել սնունդի լիարժեք ընդունումների միջև, մեկ բաժակ յոգուրտն է կամ բանջարեղենն ու մրգերը։ Որպես ուտեստ հարմար են նաև չրերը։ Այսպիսի կարծիք է հայտնել Կրասնոդարի երկրամասի գլխավոր դիետոլոգ Լեյլա Քադիրովան, փոխանցում է «Ռոսիյսկայա գազետան»։
Մասնագետի կարծիքով՝ կարելի է ուտել նաև ընկույզներ, սակայն հարկավոր է հետևել դրանց քանակին, քանի որ պարունակում են մեծ քանակությամբ կալորիա և ճարպեր։
«Խորհուրդ չեմ տալիս ամեն օր ընկույզ ուտել,- նշել է մասնագետը։ – Ավելի լավ է օրումեջ, բայց 30-40 գրամից ոչ ավելի»։
Կաթնամթերք ընտրելիս մասնագետը խորհուրդ է տալիս նախապատվություն տալ 3,2 տոկոսից ոչ ավելի յուղայնությամբ կաթին։ Թթվասերի յուղայնությունը 20 տոկոսը չպետք է գերազանցի, իսկ կաթնաշոռի յուղայնությունը՝ 5 տոկոսը։ Մասնագետը միաժամանակ խորհուրդ չի տալիս գործածել նաև ամբողջությամբ յուղազերծ մթերքներ։
