Տպել
Նախաճաշին չարժե ուտել արագ պատրաստման շիլաներ, քանի որ դրանք կտրուկ բարձրացնում են արյան մեջ գլյուկոզայի մակարդակը և առաջացնում ինսուլինի արտադրում։ Այս հորմոնն իր հերթին բերում է գլյուկոզայի մակարդակի նվազման, և մարդը շուտով կրկին քաղց է զգում։ Այս մասին հայտնում է բժիշկ-սննդաբան Իննա Կոնոնենկոն (Ռուսաստան)։
Նախաճաշին չհամապատասխանող մթերքների ցանկի մեջ են մտել նաև մյուսլիներն ու փաթիլները՝ կաթով կամ հյութով, հայտնում է «Հինգերորդ ալիքի» կայքը։
Կոնոնենկոն նաև խորհուրդ չի տալիս առավոտյան ժամերին խմել թարմ քամած հյութ և սմուզի, ինչպես նաև ուտել բրդուճներ և ջեմով կամ շոկոլադի մածուկով հաց։ Բանն այն է, որ մրգային ըմպելիքները մեծ քանակությամբ պարզ շաքար են պարունակում։
«Մի կողմից դա գլյուկոզա է, իսկ մյուս կողմից՝ ֆրուկտոզա։ Ամբողջ ֆրուկտոզան արագ հայտնվում է լյարդում, որտեղ վերածվում է լյարդային ճարպի։ Այստեղից էլ ստանում ենք քաշի ավելացում»,- ասել է մասնագետը։
