Մահվան դատապարտված թմրավաճառը թունել է փորել և դիմել փախուստի

Ինդոնեզիայում թմրանյութերի ապօրինի շրջանառության համար մահապատժի դատապարտված սինգապուրցի Ցայ Չանպանը փախել է բանտից իր փորած թունելի միջոցով: Այս մասին հայտնում է Reuters-ը:

37-ամյա Չանպանը Ջակարտայի բանտում էր 2017 թվականից: Նրան մահապատժի էին դատապարտել մեծ մասշտաբով մետամֆետամին տեղափոխելու համար:

Վեց ամիս առաջ, ըստ Չանպանի խցակցի, նա բանտի ճաշարանից գողացել է մի գործիք, տեղափոխել է այն խուց և գաղտնի սկսել թունել փորել:

Փախուստի օրը Չանպանը սպասել է պահակախմբի փոփոխությանը, թունելի միջով մտել կոյուղու մեջ և խողովակների միջով սողացել է դեպի ելք:

Չանպանը դեռ չի ​​հայտնաբերվել: Ինդոնեզիայի ոստիկանությունը Չանպանին դասել է ամենաորոնվող հանցագործների ցուցակում:

Պատրաստեց Անի Գաբուզյանը