Թողարկվել է «Ջոն Ուիքի» սիքվելի թրեյլերը՝ Քիանու Ռիվզի մասնակցությամբ

Lionsgate կինոստուդիան YouTube-ի իր ալիքում հրապարակել է «Ջոն Ուիք 2» մարտաֆիլմի սիքվելի թրեյլերը, որում գլխավոր դերը կատարել է Քիանու Ռիվզը:

Ժապավենի գլխավոր իրադարձությունները ծավալվում են Հռոմում: Նախկին վարձու մարդասպան Ջոն Ուիքը հարկադրված է վերադառնալ իր աշխատանքին, երբ նրա նախկին գործընկերը՝ աշխարհում ամենավտանգավոր մարդասպաններից մեկը, որոշում է գլխավորել չարագործների խումբը:

Ֆիլմում նաև նկարահանվել են Ռուբի Ռոուզը, Բրիջեթ Մոյնեհենը և Իեն Մաք Շեյնը: Կինոնկարի ռեժիսորը Չադ Սթահելսկին է, որը նկարահանել է առաջին ֆիլմը: Ժապավենը վարձույթում կհայտնվի 2017 թվականի փետրվարի 9-ին:

Առաջին «Ջոն Ուիքը» թողարկվել է 2014 թվականին: Դերին նախապատրաստվելիս Քիանու Ռիվզը երկու ատրճանակներից կրակելու և մերձամարտի տեխնիկայի ուսուցում է անցել հատուկ նշանակության նախկին ջոկատայինների մոտ: